影片
更多
2021-09-14
30 浏览
又去荃湾𨅬街街 呢排终于得闲啲 即刻揾间bar chill下 同朋友摸下酒杯仔 呢间bar好近荃湾西铁站 地方就脚 热死辣辣行少啲就最开心成间bar气氛超好 仲要坐得超级舒服 瞓系到都仲得 今次坐系live band位附近 可惜今晚无 晒咗个握手位 一坐低已经有爆谷食 个人认为爆谷咸咸地 系偏脆嘅口感 送酒一流 $15可以无限refill 坐系到食下爆谷饮下酒 好抵〰️〰️〰️西班牙油封鸭腿鸭髀份量唔算多 但两个人share啱啱好 怕漏嘅人 可以点苹果酱 好清新 唔会太甜又唔会太酸 呢道菜最impress就系满满嘅配菜 有羽衣甘蓝 小蕃茄 薯仔粒 重点系质素一啲都唔差 蕃茄仔超级juicy 咬一啖 啲汁就疯狂滴 薯仔粒都系新鲜炸起 唔会超淋 〰️〰️〰️蒜香牛柳粒朋友推荐 虽然系一口牛 但粒粒都胀卜卜 好靓仔 重点系好嫩好juicy 除咗用生蒜炒 仲有干蒜做点缀 超惹味 〰️〰️〰️蒜香辣大虾意粉呢间个人私心大推 上枱首先见到嘅系5只大虾 唔会有雪藏味 完全系啖啖肉 再嚟会见到啲芦笋仔 因为未食过芦笋仔 有啲惊会有阵青味 点知 完全唔会 好嫩 意粉煮得啱啱好 唔会太硬或者淋 好似讲紧废话咁 但真心呢个意
呢间bar好近荃湾西铁站 地方就脚 热死辣辣行少啲就最开心
成间bar气氛超好 仲要坐得超级舒服 瞓系到都仲得 今次坐系live band位附近 可惜今晚无 晒咗个握手位
一坐低已经有爆谷食 个人认为爆谷咸咸地 系偏脆嘅口感 送酒一流 $15可以无限refill 坐系到食下爆谷饮下酒 好抵
〰️〰️〰️
西班牙油封鸭腿
鸭髀份量唔算多 但两个人share啱啱好 怕漏嘅人 可以点苹果酱 好清新 唔会太甜又唔会太酸 呢道菜最impress就系满满嘅配菜 有羽衣甘蓝 小蕃茄 薯仔粒 重点系质素一啲都唔差 蕃茄仔超级juicy 咬一啖 啲汁就疯狂滴 薯仔粒都系新鲜炸起 唔会超淋
〰️〰️〰️
蒜香牛柳粒
朋友推荐 虽然系一口牛 但粒粒都胀卜卜 好靓仔 重点系好嫩好juicy 除咗用生蒜炒 仲有干蒜做点缀 超惹味
〰️〰️〰️
蒜香辣大虾意粉
呢间个人私心大推 上枱首先见到嘅系5只大虾 唔会有雪藏味 完全系啖啖肉 再嚟会见到啲芦笋仔 因为未食过芦笋仔 有啲惊会有阵青味 点知 完全唔会 好嫩 意粉煮得啱啱好 唔会太硬或者淋 好似讲紧废话咁 但真心呢个意粉 满分10分佢会有17.56分 食食下朋友仔话因为啲意粉条条都有油 所以好好味 一言惊醒梦中人 真系条条都好挂汁 好够辣 钟意芦笋嘅朋友 一定要试
〰️〰️〰️
Passionate kiss
Base系rum酒 加几种唔同既水果糖浆 饮落偏甜 好适合女仔饮 同埋个杯好得意 好岩打卡 个人认为如果想饮甜啲既会建议passionate kiss
〰️〰️〰️
Cucumber spritzer
Base 系vodka 加青瓜 饮落比较fresh但又唔会饮到vodka个种苦 都易入口 想清新啲既朋友cucumber spritzer 系唔错的！
整体嚟讲 呢间系可以再encore 啲侍应态度好好 见到无晒爆谷都会主动加 虽然价钱偏贵 但食物质素对得住个价
张贴
