影片
更多
2024-11-14
0 浏览
去餐厅食饭，食物美味当然重要，但餐厅环境也非常影响整个饮食体验。今次我哋去嘅花乐日式料理，有一排座位可以望到维多利亚夜景，望住呢个景食饭确实系赏心悦目。除咗环境之外呢间餐厅嘅菜式都有丰富嘅选择，除咗有刺身寿司、天妇罗呢啲基本嘢之外，连串烧炸物甚至锅物都有。而且餐厅每日都有唔同优惠，好似我今日去嘅星期四就有寿司同刺身半价嘅优惠，非常之抵食，如果喜欢饮酒嘅朋友仔，仲可以加$188任饮两个小时，我见到酒柜入边有好多款清酒，可惜当晚不能饮酒，如果唔系我都会试吓。当晚叫嘅几样菜式都好满意，同埋有一啲特色小食我喺其他餐厅都未见过，好似有个中华风烧卖寿司，佢个造型似我哋一般食开嘅烧卖，但个皮系绿色好似一张纸咁薄，再包住吞拿鱼碎寿司饭，睇起上嚟好似啲食物模型，但食落去又几好味。另外沙甸鱼苗秋葵鱼生沙律，都非常之足料，基本上鱼生多过沙律菜，非常满足。而另一样我想推介嘅系松叶蟹肉海胆炒饭，厨师用咗大量嘅蟹肉去炒，炒饭食落去每一啖都有蟹，而且上面仲铺咗厚厚嘅海胆同三文鱼子，整体上非常之香口同埋海鲜味浓，而且价都几合理。最后我都点咗一个安格斯牛肉锅，牛肉就当然冇和牛甘油分高，但肉味香浓，蔬菜方面，除咗南瓜白菜
当晚叫嘅几样菜式都好满意，同埋有一啲特色小食我喺其他餐厅都未见过，好似有个中华风烧卖寿司，佢个造型似我哋一般食开嘅烧卖，但个皮系绿色好似一张纸咁薄，再包住吞拿鱼碎寿司饭，睇起上嚟好似啲食物模型，但食落去又几好味。另外沙甸鱼苗秋葵鱼生沙律，都非常之足料，基本上鱼生多过沙律菜，非常满足。而另一样我想推介嘅系松叶蟹肉海胆炒饭，厨师用咗大量嘅蟹肉去炒，炒饭食落去每一啖都有蟹，而且上面仲铺咗厚厚嘅海胆同三文鱼子，整体上非常之香口同埋海鲜味浓，而且价都几合理。最后我都点咗一个安格斯牛肉锅，牛肉就当然冇和牛甘油分高，但肉味香浓，蔬菜方面，除咗南瓜白菜之外竟然仲有紫薯同埋粉丝，混合埋啲汤就非常之美味。整体嚟讲呢间餐厅都性价比唔错，以呢个价钱可以望住维多利亚景食晚饭嘅地方真系唔多。
张贴
