古法烘焙 (已結業)

一向爱吃街头小食既我见到呢间主打鸡蛋仔既食店出现o系“最多好评”既餐厅排行榜，梗系要去试一试啦。门面都几光鲜整洁，除左一角整鸡蛋仔之后仲有卖曲奇、蛋卷等等小吃。令人讶异既系o系呢间古法烘焙入面连一点点古法既踪影都揾唔到。整鸡蛋仔既系簇新既电炉，负责整鸡蛋仔既都系一个后生女，咁何谓古法呢？？？anyway, 一场来到都一定要试下既，女友钟情朱古力就要左个朱古力夹心鸡蛋仔。睇个正面好似咩都无咁，但系一反转佢就即刻流晒口水，皆因全底都布满朱古力粒，绝无欺场。先讲朱古力粒，系dark chocolate一类的，不太甜亦都有朱古力味，感觉良好。主角既鸡蛋仔却系有D令人失望。鸡蛋仔系细size的，逐粒咬的话系无咩口感。脆系脆了，不过净系薄薄既边皮位脆。中间既鸡蛋仔只系平平无奇，无特别香既蛋味or牛油味。以$17一底来讲唔太抵食，老实讲我觉得沙田伟华中心入面有间小店（唔系百佳）既鸡蛋仔还要好多得。或者下次试下特色D既薄荷或者花生酱啦。