海雲天

营业中

休息中

海云天点心放题我同朋友一早喺KK地book咗圣诞节正日下午2:30嚟食呢个点心放题，每人$188 ，到步得知原来要再收加一服务费，𠮶度就每人$44 。朋友早咗度，就话原来2:30到咗都要逐个逐个叫名入座，全程都系用手机落单，不过去到3:30就截单。我哋叫咗两轮嘅食物，食物冇其他食评讲得咁差，我觉得虾饺、鲍汁凤爪、口水鸡、碗仔翅、排骨、蜜汁鸡翼都几好食。我哋坐到面对海景嘅位置，呢个景120分！不过不过最大嘅败笔位系啲服务真系十分之差，仲差过屋村酒楼，首先侍应系唔会主动收任何嘅碟，同埋加水，而且十问九唔应。侍应好似觉得我哋点得太多，甚至开口问我哋会唔会食唔晒，其实我哋最后系食得晒嘅，同埋问侍应拎牙签，侍应仲要特登讲句比多一包你，总共有四支牙签，𠮶种感觉令人好差，觉得好似个过嚟食放题嘅客人都好贪心好彩嘅系我哋食最后一轮可以坐到四点几先走，如果上一轮食就比较惨，一定要准时走。