影片
更多
2024-06-19
1226 浏览
星期日尖沙嘴食完晚饭，想话饮返杯迎战听日blue monday，之前见过唔同媒体介绍过呢间新开位于五星酒店既bar，一于试试佢！去到Avoca第一个感觉装修型格摩登，比好多香港高级酒吧更加宽敞舒适。店员带我地去到窗边一张四人枱，经典维港夜景尽收眼帘。不过比较吸引我既，当然系佢既cocktail menu，今次真系大镬！每一款都好吸引！店员都知你地醉翁之意不在阅读，随即放下一个而家新式鸡尾酒吧都好兴既小玩意「帮」你拣酒。我呢度就唔多讲点玩喇，剧透又有咩意思呢，自己上黎感受下啰！钟意饮Old Fashioned既我二话不说叫左杯Lap Yuk Old Fashioned （腊肉威士忌），正宗bourbon酒底经过中式腊肉infuse出烟熏甜美感，加上橙皮油香，搭配自家制腊肉碎朱古力带来多层次味蕾冲击！我系高度推荐既！朋友玩完一轮小玩意都系心大心细，即管问下外籍店员Hazel有咩推介。喂？原来佢系香港长大，将menu上面以本地饮食作灵感既cocktail逐一生动介绍，并告知各款咁鬼马又本土口味既cocktail原来系出自拥有20+年调酒经验、行内获奖无数既bartender Joe Vill
去到Avoca第一个感觉装修型格摩登，比好多香港高级酒吧更加宽敞舒适。店员带我地去到窗边一张四人枱，经典维港夜景尽收眼帘。不过比较吸引我既，当然系佢既cocktail menu，今次真系大镬！每一款都好吸引！店员都知你地醉翁之意不在阅读，随即放下一个而家新式鸡尾酒吧都好兴既小玩意「帮」你拣酒。我呢度就唔多讲点玩喇，剧透又有咩意思呢，自己上黎感受下啰！
钟意饮Old Fashioned既我二话不说叫左杯Lap Yuk Old Fashioned （腊肉威士忌），正宗bourbon酒底经过中式腊肉infuse出烟熏甜美感，加上橙皮油香，搭配自家制腊肉碎朱古力带来多层次味蕾冲击！我系高度推荐既！
朋友玩完一轮小玩意都系心大心细，即管问下外籍店员Hazel有咩推介。喂？原来佢系香港长大，将menu上面以本地饮食作灵感既cocktail逐一生动介绍，并告知各款咁鬼马又本土口味既cocktail原来系出自拥有20+年调酒经验、行内获奖无数既bartender Joe Villanueva （前身香格里拉Lobster Bar）既手笔！Hazel推荐左佢自己至爱既Cucumber Gimlet （青瓜Gin酒）：清新冰冻既青瓜碰上生津解渴既青柠酸，绝对可以取代饭后甜品！
一声声惊叹不已及一口口大快朵颐之际，我杯old fashioned好快已经饮晒，酒吧经理Bowie行过见到，贴心了解左我既口味后，推荐同样系whisky based既「肠粉」！一杯有烘烤芝麻、花生酱咸香及柠檬酸劲既whisky sour，出色！
几杯酒后，健谈而笑容充沛既Hazel又同我地介绍新酒店密锣紧鼓既各种餐饮活动，并带我地游走多个酒吧惊喜之处（自己上黎睇啦！），我地已经等不及再访喇！
本来一个平平无奇既周日晚，经过偶然既一趟新店探访，加上酒吧团队既热情招待，将星期一带来既颓丧感暂时一扫而空。望著夜幕低垂既维港，我相信呢度既日光总会冉冉升起。
张贴
