四寶食堂 (將軍澳中心)

营业中

休息中

今晚收工去左将军澳中心揾野食，见到呢间出面排哂长龙就排队等一阵去食，大约排左十分钟到就入得。虽然睇餐牌系食热炒小菜，但系装修都几靓同光猛，环境舒服。佢地每日既套餐应该都唔同，套餐系包埋炖汤，岩哂我地呢d忙碌既城市人。淮山虫草花排骨汤呢个系套餐既炖汤，一上碟果时够热辣辣，非常足料，有好多虫草花同淮山，个汤都好清甜。碧绿翠玉瓜炒斑球+冲绳酱油煮牛筋 斑球炒得好入味，而且肉质弹牙有鱼味，平时好少食到。翠玉瓜都煮得爽甜多汁，口感唔错。牛筋煮得非常入味，唔会太甜，口感软嫩。蚝皇花胶螺片扒温室豆苗+蒜泥白肉黑毛猪 花胶螺片都几多，而且煮得好入味，下面既豆苗真系密铺哂，一个人一定好够食。用黑毛猪既蒜泥白肉无左阵猪骚味，黑毛猪既肥瘦好平均，食落既感觉唔会好油腻。四川霸皇辣子鸳鸯鸡鸳鸯鸡原来系鸡肉加鸡软骨，所以成碟系有好多层次既口感。而佢地都用左好多辣，虽然都有少少辣但系辣得几过瘾。