川粵時光 (已結業)

好耐无同老婆食过川菜，今日就带佢食好少少，黎左铜锣湾呢间川粤时光，环境十分舒服。口水鸡，鲜嫩嘅鸡肉加上麻辣嘅酱汁，每一口都食到鸡肉嘅香味，同埋辣得好过瘾！酸辣鱼皮，爽脆嘅鱼皮，酸辣嘅口味，真系好醒胃~凉拌秋葵，麻辣黑醋加埋新鲜又爽嘅秋葵，正！青椒开胃清香鲈鱼，呢个酸菜鱼真心正，鲈鱼全部去骨同埋好嫩滑，笋片超嫩，下低仲有面底，真系好满足~黄金椰菜花，每一旧椰菜花都沾满咗咸蛋黄的香味，好邪恶但系劲好味！红糖冰粉，冰粉口感似果冻，上面有西瓜粒、花生、芝麻点缀，解辣一流~幻彩荔枝养生花茶，又系一个解辣之选，清香嘅荔枝味，甜而不漏嘅香甜味，估唔到同麻辣嘅食物又几夹！呢一餐我同老婆都好满意，不过仲有好多好似好好味嘅粤菜都无试，下次有机会再返嚟试佢嘅粤菜！