火薈中日火鍋

营业中

休息中

今日行到花园街附近，见到附近环境好静，居然有间火锅店门面好似几高级就同朋友上去试吓先，上到去见贴满明星相，但内里好似冇乜客但都已行左上来，食过唔好食最多冇下次睇地方都几大，环境几宁静，适合一路食一路倾，如果想多d私稳可以坐入房，因见到可能系食店d朋友或熟客都系坐晒入房。我哋叫左个：海龙皇浓汤锅、极上本地手切鲜牛肉、手打四宝丸、双拼饺、鹿儿岛黑毛猪、即炸响铃、皇帝菜和莴荀件。另外，系未有得食火锅前叫左两个送酒小食医吓肚，呢两个系：酥炸黑松露饺和老友鬼鬼。酥炸黑松露饺：热辣辣好脆，但黑松露味唔够浓老友鬼鬼：炸得好脆虾胶好弹牙海龙皇浓汤锅：汤底有（大肉蟹、海虾、大蚬、火箭鱿鱼）加埋杂菇和蕃茄浓汤一齐，个味道系几好但觉得呢个价钱，海鲜既份量就唔系几够极上本地手切鲜牛肉：鲜牛肉味道系唔同d，牛味特别浓d手打四宝丸：虾、猪、牛、墨鱼四款，入口都几爽口弹牙双拼饺：我哋选左云吞和韮菜，大大只馅料十足鹿儿岛黑毛猪：口感嫩滑，猪味浓即炸响铃：新鲜即炸，薄而脆，冇油膉味食完呢餐我觉得环境适合大家静静地详谈，因为坐左好耐都冇乜客，可能地点偏辟d，另外觉得食物味道可以，不过有d食物价钱和分量就好似少d。