Alchemy ORIGIN

营业中

休息中

今日约咗人喺鲗鱼涌交收，咁横掂都过开嚟呢边，就喺附近食埋晚餐先返屋企。喺天桥上面见到呢间餐厅装修好似几靓，咁就试吓佢啦。入到去环境真系好靓。比到人relax嘅感觉。位同位之间唔会太过密。餐厅入边有几棵琴叶榕，为餐厅增添生气。鲜奶巧克力：拉花好靓，朱古力味浓郁。烤鸡菠萝汉堡配乳酪酱及焗薯：烤鸡充满香草味，有肉汁。大大嚿菠萝，可以中和返烤鸡嘅肥腻感。杂菌黑松露酱芝士意大利三文治，加配沙律：咬第一啖三文治已经有拉丝！黑松露酱一啲都唔吝啬. 沙律菜新鲜爽口。自家制咖啡胡桃蛋糕：估唔到佢有焗返热个蛋糕先拎出嚟俾客人。胡桃有好多粒。蛋糕渗出淡淡嘅咖啡香味。备注：qr code落单时, 佢有写明如果有叫嘢食，限时系90分钟。而如果净系饮嘢，限时系60分钟。大家要注意返。