影片
更多
2017-01-10
320 浏览
2017 年刚开始，约左个好朋友出黎食晚饭，乱咁讲下大家新一年有咩大计。上open rice 一碌，见M1 好评都有唔少，朋友又钟意饮cocktail，地点又方便我地搭车，一于打去订个table for two先。香煎北海道带子藜麦沙律芥茉籽蜜糖汁 $138原粒带子底面略煎，依然保持鲜甜，厚肉又好味。中间有一片新鲜无花果，上面有少少皇帝菜，底下的藜麦混合了黑醋汁同埋青苹果粒，酸酸甜甜配搭刚刚好，而且食材新鲜，推介呀。龙虾干邑海鲜浓汤$128龙虾汤一上枱，就咁睇卖相以为佢系普通酥皮汤，咁谂就大错特错啦。一问之下，原来佢地用左个农夫包做汤碗，将龙虾拆肉切粒放入龙虾汤内，唔怪得每一啖汤都有香浓的龙虾香味，足料而且啖啖肉，饮完个汤，跟手再食埋农夫包先，吸收左龙虾汤的面包好好味，外层仲系脆卜卜，超级正。鲜茄蘑菇芝士焗田螺$78平时的焗田螺都系用薯蓉托底，再原粒连壳上碟，呢度个厨师好细心，每粒田螺已经拆壳，田螺肉放上原粒蘑菇上面，加上 Mozzarella 芝士同埋鲜茄酱一齐烤焗，芝士焗至焦香，感觉唔油腻，反而带一点清新。其实细食的女仔，每人一个我重点推介的龙虾汤再加带子沙律，同埋一个小吃其实都已
香煎北海道带子藜麦沙律芥茉籽蜜糖汁 $138原粒带子底面略煎，依然保持鲜甜，厚肉又好味。中间有一片新鲜无花果，上面有少少皇帝菜，底下的藜麦混合了黑醋汁同埋青苹果粒，酸酸甜甜配搭刚刚好，而且食材新鲜，推介呀。
龙虾干邑海鲜浓汤$128龙虾汤一上枱，就咁睇卖相以为佢系普通酥皮汤，咁谂就大错特错啦。一问之下，原来佢地用左个农夫包做汤碗，将龙虾拆肉切粒放入龙虾汤内，唔怪得每一啖汤都有香浓的龙虾香味，足料而且啖啖肉，饮完个汤，跟手再食埋农夫包先，吸收左龙虾汤的面包好好味，外层仲系脆卜卜，超级正。
鲜茄蘑菇芝士焗田螺$78平时的焗田螺都系用薯蓉托底，再原粒连壳上碟，呢度个厨师好细心，每粒田螺已经拆壳，田螺肉放上原粒蘑菇上面，加上 Mozzarella 芝士同埋鲜茄酱一齐烤焗，芝士焗至焦香，感觉唔油腻，反而带一点清新。
其实细食的女仔，每人一个我重点推介的龙虾汤再加带子沙律，同埋一个小吃其实都已经够。但因为个汤我地share 黎饮，所以要order 返个主食先够饱，睇睇个餐牌选择都唔少㖞，有pizza 、mini burger、炒饭、意粒仲有长通粉、天使面、扁意粉等等。我地叫左个黑松露鲜虾露荀芝士炒饭 $108 ，由于我挂住食，都无细心影个炒饭有咩材料。面头加了大量的蟹子同埋香䓤，每啖饭都有卜卜脆的蟹子 同埋松露的香味，鲜虾亦都系大大粒的，新鲜弹牙绝无雪藏味。
朋友想饮杯有荔枝味的cocktail，bar tender 专登tailor made 一杯比佢，好鬼有heart。而我因为长期都不胜酒力，只系点左一杯鲜橙汁。
9点几左右，原来会有驻场 live band 坐阵，好有气氛。以前以为饮酒的地方都系食薯条同鸡亦呢啲简单小食，估唔到 M1 酒吧的食物可以做到咁好味，落足心思。
下次我要再黎试下佢个mini burger combo，好吸引架， 有带子啦、泡菜烧鸡同埋Angus Beef，就咁睇个配搭已经流晒口水。
张贴
