Steak Workshop (已結業)

头盘《黑松露带子杂菜沙律》用咗特制嘅芝麻酱，两只大大只嘅带子，再加上一些黑松露酱，带子八成熟煎得恰到好处，外面煎得好香脆。 新鲜嘅杂菜再加埋佢特制嘅芝麻酱汁捞埋一齐食， 相当新鲜好味。《安格斯牛肋骨配薯角》安格斯牛扒我哋叫厨师煮了七成熟， 牛扒切成好多件， 阵阵嘅牛扒香味散发出嚟，再加上浓郁嘅调味料，食落口相当有牛味，肉质非常嫩滑。另外，薯角炸得好香口，好好味，再点埋茄汁，相当一流，牛扒系必叫的食品。《特制半肥瘦猪扒配薯角》猪扒相当肥美好大块，厨师预先将猪扒切开一件件，猪扒外面煎成金黄色，件件猪扒食落口都相当滑，半肥瘦，食落口一啲都唔韧，必食。《磨菇忌廉卡邦尼意粉》磨菇卡邦尼意粉卖相已经非常吸引，味道相当浓郁，意粉食落口唔会软亦唔会硬， 软硬度适中，再加埋佢新鲜嘅蘑菇同忌廉汁，好味。呢度还有各款各类嘅汽水，以自助形式，相当方便，还有各类雪糕甜品，任君选择。还有大型足球game机等等游戏玩， 真系适合一家大细同埋三五知己嚟呢度玩一晚，有得食又有得玩。