Steak Workshop (已結業)

第一次去食西餐私房菜，感覺新鲜。一入門口就有一陣陣香味。我地一行4人叫左個full menu,黑松露帶子沙律,沙律汁酸酸地又唔會大多，好醒胃。芝士焗大虎蝦，隻蝦一般，芝士同隻蝦夾唔到味。美國黑毛安格斯肉眼&西冷,澳州草飼安格斯牛肩胛，好重牛味，唔錯。焗西班牙黑毛豬肋排係我既致愛，入味好香香草味，肉質實得黎又唔肥，正。卡邦尼白汁焗大蘑菇味道清淡，如果安排食完肉之後再食會好d。意粉臨時轉左黑松露意粉，感覺high grade左，味道適中但份量太多。

上次一試難忘，今日再來一次！感覺依舊，親切的老闆，體貼的服務，仲有回家既感覺。先來一個雜菜沙律，新鮮脆口！等緊主菜時，當然唔放過任食雪糕雪條和飲品啦！上主菜啦！特別要求熱辣辣薯角，今次無令人失望！食完主菜，仲以為完結，點知老闆再送上雜果沙律。又食完沙律，又以為完結，點知老闆更送上窩心意粉！要介紹下呢尊嚴，係vainlla sea salt, 點牛扒一流！太愛老闆啦！你話有邊間餐廳好似阿媽咁，驚你食唔飽，不停係廚房煮野食俾你架！價值真係好合理，牛$150，豬羊都係$120-130，其他免費任食！

食野食到火炭工業區，周圍都係茶記，走上威力10樓發現新鮮野...冰鮮先真。呢間野平時午餐食沙律飯既人都多，但我就鍾意order 扒啦！有豬牛羊，都係120-150蚊一份，有飲品，沙律，雪糕任食！今日仲有湯飲！係任食！！！肉眼黑毛豬配青菜/薯角（問老闆點解薯角凍既？原來佢用心去係冷氣下快速吹凍，令薯角又香又脆。）老闆見我地食肉多，特意免費送上沙拉烏冬給我們！為我們補充澱粉質！好細心既老闆！注意事項：羊架和豬肋骨都要早一日預訂！

頭盤《黑松露帶子雜菜沙律》用咗特製嘅芝麻醬，兩隻大大隻嘅帶子，再加上一些黑松露醬，帶子八成熟煎得恰到好處，外面煎得好香脆。 新鮮嘅雜菜再加埋佢特製嘅芝麻醬汁撈埋一齊食， 相當新鮮好味。《安格斯牛肋骨配薯角》安格斯牛扒我哋叫廚師煮了七成熟， 牛扒切成好多件， 陣陣嘅牛扒香味散發出嚟，再加上濃郁嘅調味料，食落口相當有牛味，肉質非常嫩滑。另外，薯角炸得好香口，好好味，再點埋茄汁，相當一流，牛扒係必叫的食品。《特製半肥瘦豬扒配薯角》豬扒相當肥美好大塊，廚師預先將豬扒切開一件件，豬扒外面煎成金黃色，件件豬扒食落口都相當滑，半肥瘦，食落口一啲都唔韌，必食。《磨菇忌廉卡邦尼意粉》磨菇卡邦尼意粉賣相已經非常吸引，味道相當濃郁，意粉食落口唔會軟亦唔會硬， 軟硬度適中，再加埋佢新鮮嘅蘑菇同忌廉汁，好味。呢度還有各款各類嘅汽水，以自助形式，相當方便，還有各類雪糕甜品，任君選擇。還有大型足球game機等等遊戲玩， 真係適合一家大細同埋三五知己嚟呢度玩一晚，有得食又有得玩。

Living in Kowloon in the best as I can easily access any nice restaurants of any cuisine easily. While I am taking advantage of my location I still reach out for other options like this time. I went far to Fo Tan just to catch up with an old friend.She took me to a seemingly cozy place which is hidden in a building. The host, Daniel. yes I would call him a host is the only person taking care of the place which I mean he cooked for us too Very friendly welcome from Daniel and he let us pick any

最近，我遇上中學時期的好友，一見面，我倆馬上再次熟絡起來，仿佛回到中學天真的時光。好友邀請我翌日一起共進晚餐，我當然不能拒絕她，因此，這天放工後，山長水遠來到火炭。好友特意安排我們到這家在工廈的餐廳，形式上是類似私房菜的，好讓我們可以自由舒暢地談天。頭盤是大大盤的黑松露帶子沙津。醬汁是芝麻醬，醬汁多，所有沙津菜都沾到醬汁，十分美味。主菜是大大塊的牛扒，分別是肉眼跟西冷。大大塊的牛扒，使人十分滿足。肉味香濃，肉質嫩滑。套餐還包括一份意粉，但我們已經滿足了，因此，請廚師毋須準備意粉，以免浪費。套餐包括任食的雪糕跟飲品，都是自助形式的，按需要自取，十分方便。這間餐廳的食物都是大大碟的，食物質素亦令人滿意。雖然食物賣相不是十分精緻，但我跟朋友都十分享受這個晚上，盡興地跟久違的摯交更新近況、一同回味青蔥歲月，並享用豐盛的大餐。

Poke, (音pop kei), 沿自夏威夷嘅魚生飯(Poke Bowl),中環返工嘅朋友都可能試過，不過喺沙田就比較少見，呢間位於火炭廠厦、午市主打外賣速遞嘅樓上餐廳，有一個好大嘅廚房和大廳，夜晚可包場搞event、有梳化、有足球機......Poke組合有七、八種之多，可以自選口味和自選醬汁……今日點了西班牙黑毛豬、雞肉combo, 再配芝麻醬、大廚用了醋飯底，肉量夠豐富、煎香切粒，加上好多配菜，用一隻匙羹就可以搞掂，易入口又方便。老闆話同區有好多人叫外賣，繁忙時間會找外送公司及自己速遞，而且Poke有優勢，熱食之外凍食都得，所以佢地做外賣嘅範圍遠至石門、科學園等"偏遠"地區咁話。值得一提，此店支持環保，外賣餐具用甘蔗渣製造，減少"地球先生"嘅負擔，加分咯！

本人是食肉獸，尢其牛是最喜歡的，所以當我得知有私房菜提供隱世美味牛扒，就算只有一個人去，都立即打電話去訂。餐廳在火炭工業邨，D出口直行就到。預訂時會先whatsapp餐牌和詳細資料，350元有沙律，主菜，飲品甜品任吃也無須加一。如果一大班人來，自己帶酒和蛋糕都不額外收費啊。場地和廚房都好大，搞party一流啊，又有sofa又有大量叉電位。包場的話更可提供煮食活動或工作坊之類，所以廚房設備非常豐富。飲品就在廚房，有汽水和茶，都是自助的。枱上有不同調味料可以任意使用，不同我應該不需要，就照廚師原來的調味就好。先上的是黑松露帶子沙律， 分量比我想像中多啊！沙律菜新鮮爽脆，用了胡麻醬調味好夾。帶子又大粒又厚又肥美，那黑松露醬用得頗重手。帶子並沒有煎到全熟，還帶有點刺身的感又鮮甜又柔軟。我其實選了肉眼扒，但店主問我各一半好嗎？當然好啦，可以一次試兩款牛扒好幸福！他推介三成熟，也是我最喜愛的熟度，因為這是最襯牛扒的。上菜時我嚇了一跳，好大塊左是西冷，右為肉眼。先試西冷，它有點肥肉，但油脂分佈平均，每咬一口都有豐腴牛油滲出來，整個口腔都是濃郁的牛肉味！因為煎三成的關係，中間部份又粉嫩又juicy，牛

星期五晚先約星期六成班朋友(10大3細)聚會見面, 臨時臨急搵地方, 就諗起大半年前試過這間steak workshop, 當時2個人食SET DINNER, 食完個主菜已經覺得勁滿足, 之後再發現還有個pasta, 直頭要請個廚師唔好整個pasta呢...HEHE^V^因為真係食唔落呢幸運地咁趕之下都有位, 雖然有另一枱8人, 咁啱他們晏, 我地早, 所以去到同包場無分別天氣熱, 一上到去汽水雪糕任食, 即刻開晒汽水飲我直頭即刻食返杯雪糕添呢小朋友就週圍走, 大朋友就走埋入廚房同個廚師係到分享煮食心得, 其他飲汽水, 吹吹水, 自得其樂齊人上菜啦 (今次因為都多人, 唔係食SET, 係大大碟齊齊開心SHARE)1. Green salad with pan fried sea scallop2. Roasted tiger prawn with cheese3. Slow cooked US Short rib4. BBQ Spanish pork ribs5. Roaste lamb rack with mixed herbs6. Pasta with Bolognese sauc

私房菜，從來都有自己的特色以及吸引之處，這次來到這個工作坊，對我來說是非常吸引，稱得上工作坊，相信比私房菜更為突出。朋友的邀約，當然不能錯過。當晚來到工作坊，看到內部裝修很特別，好在曾有活動一樣。問及負責人，原來他們也提供包場服務，那是之前的客人留下的。但見枱椅七彩鮮艷，大大的梳化，非常寬敞的空間，當中茶水，甚至雪糕等，都是自助的，有一種的家的感覺，令人有種很舒適的感覺。廚房是開放式的，怕油煙味的我，只在外稍望，沒詳細參觀。因環境太舒適，不知不覺的過了一段時間，晚餐也開始了。先來的是香煎黑松露刺身帶子，大廚選用珍寶帶子，帶子煮過後，並沒有縮小，維持原個大小，這才是上品。肉厚鮮甜，帶子入口肉質實實的，並沒有軟綿綿，一咬即時散開的感覺，而且大小還可供刀叉享受。之後當然就是沙律，龍蝦沙律，沙律每一樣都細細，色彩豐富，非常吸引。龍蝦肉配沙律香味剛好，龍蝦咬口實，並沒有軟綿綿，新鮮香口，日式甘味芝麻沙律汁，令沙律本身帶出香氣。BBQ西班牙背排，那是豬肋排，帶著骨的肉排，通常都是較難咀嚼，越是接近骨頭部份，羶味越重。可是這個BBQ西班牙背排卻非常容易咀嚼，骨與肉很容易被咬開，，肉嫩，香草去除豬肉的

今晚同了幾個朋友去大埔工廈食飯。朋友介紹這steak work shop可以聚會，地方租借，高級食材批發，烹飪教授。廚師非常之好人及健談，廚房地方又大，食客可以與廚師交流一下烹飪知識。廚師今次煮的食物是最近購買的靚食料，有帶子，龍蝦，牛小排，肉眼扒，速肉腸。香煎黑松露刺身帶子~~廚師教煎鍋一定要夠熱，煎食物先唔會貼鍋同散開。帶子輕輕的煎每面1分鐘，金黃色就可以上碟。外面少少香脆，裡面剛剛熟仲有點汁。配上香濃黑松醬食。龍蝦沙律～～新鮮沙律菜，食時爽口又脆嫩。配上大大件龍蝦尾肉，肉質彈牙，鮮甜。仲有香脆麵包粒及煙肉碎粒。芝麻醬是特別選購的，不是市面可以買到的。因為我地鍾意食牛肉，所以廚師教了兩款牛肉煮法給我地，等我地知到不一樣的煮法配不同部位牛肉，有不同味道感覺。慢煮美國牛小排～～廚師細心處理及醃裝，之後用慢煮方法烹調，你會食到外層香口，有香草調味。裡面鮮紅色，而並不是未熟，而是慢煮方法保持了肉質鮮嫩及多汁。廚師用了一個多小時去烹調的，真有心機的為食客安排。香煎美國 Prime 肉眼排～～與煎帶子一樣，需要煎鍋一定要夠熱加油，把肉眼放下鍋，立即出煙，之前已用海鹽及香草醃一下，陣陣香味已散發

朋友聚會提議到火炭工業區內這間Steak Workshop食飯，話D扒好正，由於人生路不熟，特登早D到，可惜佢無同我哋講，原來假期工廠正門唔會開的，我們唯有兜個大彎揾停車塲入口上去，呢間工業大厦咁大，心唸上面間餐廳都唔會細，上到去果然不出所料，地方寬敞，廠房巨大。只有老闆一人，他親切的介紹餐廳地方同經營方式，叫我們不要像在外邊餐廳那般拘泥，就當在自己家裡一樣隨便走動，自己取汽水雪糕吃吧，我覺得他這樣安排除了可節省人手成本外，確是可以給食客另一種飲食體驗，而餐廳的佈置也提供許多小朋友的玩意、梳化等讓人可以好 relax 的坐坐，有剛行完山的朋友很快便已霸佔了張舒適的梳化即時入定，帶着小朋友的夫婦又找了很多玩具哄着小孩，我們幾個喜歡煮食的一邊吃着雪糕，一邊問在廚房忙着的老闆可否看看他的廚藝，他說無任歡迎呢，於是乎我們整晚在廚房看着他每煮好一道菜，跟著埋位吃完又去看他煮另外一道菜，他又毫不保留的分享每道菜的煮法心得，有問必答，這晚我們除了吃到一頓美味的西式扒餐之外，獲益良多，也盡情體驗 Steak Workshop的意義，毎人消費也只是3~4佰元，下次也會帶其他喜歡下廚同喜歡自助輕鬆進餐的朋

Steak Workshop 最近成為了我們朋友圈，作家庭聚會的選擇之一。自從各自成家立室後，再加上有了小朋友，生活也隨着改變。比如說吃飯的地方，開始要尊重小朋友，設法找尋一些地方也能讓小朋友之間共同享樂，而且不會因為過分喧嘩以免影響別的食客。Steak Workshop 吸引我們的地方，就是既可以包場，也可以在這裏找到大人和小朋友自己的空間。Steak Workshop 賣點是美食和互動。也提倡serve yourself 今天我們早早到來，先讓小朋友熟習這裏的環境。大人們也可以relax 下。由於我們大部份都是牛肉的狂熱分子，我們早在訂單的時候，已向大廚要求所有main course 均以牛肉為主。小朋友有沙律、小食，加個意粉就夠了。大廚按著我們的要求，今日為我們準備了以下的美食: 香煎黑松露刺身帶子雖然帶子是達刺身的級數，但是小朋友的腸胃始終比較敏感，所以我們要求帶子略為煎熟。煎熟了的帶子，鮮味會略微減弱。大廚聰明地用上黑松露醬作配料，令變淡了的鮮味，被黑松露的香氣代替。小朋友吃起上來好開心，一直說這菇菇好好味 龍蝦沙律龍蝦基本上是每個小朋友都喜歡的海鮮。烚熟的龍蝦原汁原味。甘甜

枱上有一般常用的調味料, 除海鹽, 芥辣等常見外, 肉桂鹽算是較少見.帶子用的是刺身帶子, 平常的做法是解凍後沾醬油芥辣吃. 廚師則將帶子兩面煎香, 再放上一匙羹的黑松露醬, 賣相既好, 黑松露醬也令帶子的味道更豐富許多, 帶子的質素本來是可以生吃的級數, 解凍煎好後大小仍不變, 可見是質素不錯的帶子. 由於吃的人數較多, 有愛生愛熟的, 廚師只能把帶子稍為煎熟, 但口感仍見嫩滑. 沙律用上的蔬菜新鮮脆口, 面層有放上些許脆面包及滿滿的彈牙龍蝦肉, 最讚的是日式沙律汁, 微酸而爽口, 正適合不愛蛋黃沙律醬類的我. 吃時有點脆卜卜的顆粒感, 在碟裡找一找, 原來是煙肉碎粒, 令沙律添上一份爽脆的口感.飲品櫃有大路的幾款汽水, 或是可到旁邊的咖啡機自沖咖啡亦可, 這裡的可口可樂都昰小瓶玻璃裝的, 比罐裝的要好喝許多. 慢煮牛小排是第一道主菜, 廚師說這是較不費功夫的一道菜, 撒上香料及鹽後調好溫度慢煮便可. 其實吃過慢煮牛的次數不多, 但這次的慢煮牛質素比坊間的許多餐廳要好上許多. 只有略為焦的表層, 而裡頭則是粉嫩的5成熟, 入口及肉汁均比平常煎法的牛扒軟腍幾倍及多. 與牛肉的最佳配搭,

The Wave 這個全新翻身的工業大廈形象鮮明醒目，每次經過興業街都好奇裏面到底會有什麼搞作？今天中午看到The Wave 樓下有一個黃色有型的易拉架，寫著 The Stadium 這一間餐廳，終於了解到呢度將會有不同的食肆進駐。呢個真係觀塘區一個令人振奮的消息，因為在觀塘區舒適的吃飯地方不多，有新翻新既工業大厦，當然要第一時間上去光顧光顧，看看什麼來頭。上到餐廳，完全俾個環境震撼到！呢度嘅地方非常之闊落，相信有幾千呎咁大！每一個角落都充滿着運動嘅元素，加上之節拍強勁嘅音樂，成個人都自然活力十足。地方夠大，枱櫈擺位都好鬆動，係工廠大廈做餐廳啲概念真係好好！起碼做客人嘅，可以好好享受佢嘅空間。你睇吓佢哋嘅水杯幾可愛！午餐套餐有好多選擇，主菜加餐飲，都係＄100多啲。我見到隔離枱嘅份量非常大份，如果加＄15仲有餐湯或者沙律。於是，我哋決定叫以下呢兩日野一齊share。Porcini Trofie 意式香菇手搓粉 HK 138香菇黑松露嘅香味突出。呢個手搓粉好特別，唔係我哋唔識開既意粉或者長通粉，有咬口，creamy ，手搓係唔同d! 黑松露、蘑菇嘅份量都非常之多，所以味道香濃。午餐鍾意