八月花 (又一城)

营业中

休息中

周末同班朋友去咗八月花叹啲点心，呢度环境真系靓，坐位都算宽敞，坐得舒舒服服，几适合朋友聚会，不过美中不足系只有90 分钟用善时间。价钱都系有少少偏贵。凤爪系我地点嘅其中一款，入口啖啖味，酱汁入晒味，质地软腍得黎又唔会太过腍，但食落去有啲偏辣，食多几啖就会觉得有啲腻。蒸排骨嘅豆豉味几香，但整体嚟讲又未至于话特别出色，始终系中规中矩，无咩特别记忆点。压轴嘅流心包就真系几吸引！一撕开就见到奶黄馅滑滑咁流出黎，卖相加分，食落去奶黄香甜浓郁，唔会太腻，真系几正。不过份量少咗啲，三个一笼，同朋友分一半嚟食，食到有啲意犹未尽。总括嚟讲，八月花啲点心算唔错，环境气氛都好啱一家大细或者朋友聚餐，不过价钱就的确有啲贵，性价比一般。如果唔介意呢点，其实呢度系个几舒服嘅食饭地方，但真系唔算食物主打嘅选择。