影片
更多
2021-12-21
801 浏览
终于有机会嚟到闻名已久嘅凑凑锅，果然名不虚传。五个字：正！正！正！正！正！👍🏻✨室内设计雅致，以时尚中国风为主。每一张枱都设计到有包厢嘅效果，私隐度高。而店内灯光偏暗，营造高档浪漫气氛。同一般火锅店嘅热闹气氛唔同，呢度感觉好似食紧烛光晚餐咁，系另一种体验。✨🥘汤底：我哋㨂咗励志锅（即麻辣汤底🌶）并酸菜白肉锅🍖💪🏻励志锅：由多种药材熬制。同其它麻辣火锅唔同，呢度嘅辣系慢慢渗透出嚟，唔会话食到流晒鼻水咁刺激。另外，随锅附送嘅鸭血同埋豆腐系无限添加，啱晒钟意食鸭血嘅朋友🤩🍖酸菜白肉锅：有惊喜！白肉系肥瘦相间嘅五花腩肉，切到好薄，煮到好淋，好似东坡肉咁，入口即溶，正到一个点🤤而𠮶汤酸得嚟又唔会呛喉，同时提升左其他食材嘅鲜味，亦减低食物嘅油腻感，真系极力推介👍🏻👍🏻👍🏻🐧企鹅仔墨鱼丸：造型好可爱😻墨鱼肉鲜甜又弹牙👍🏻🐑精选羔羊肉：有羊味得嚟又唔会太膻，啱晒想食羊肉但怕膻嘅朋友。🐙墨鱼仔：新鲜弹牙，系麻辣火锅良伴🙌🏻🧋珍珠奶茶:乌龙茶茶香突出，珍珠QQ，好有台湾风味。**************🎖激赞配套🎖**************👍🏻 自己酱油自己配。呢度嘅酱料吧枱有好多种唔同嘅酱料俾你拣。最
终于有机会嚟到闻名已久嘅凑凑锅，果然名不虚传。
五个字：正！正！正！正！正！👍🏻
✨室内设计雅致，以时尚中国风为主。每一张枱都设计到有包厢嘅效果，私隐度高。而店内灯光偏暗，营造高档浪漫气氛。同一般火锅店嘅热闹气氛唔同，呢度感觉好似食紧烛光晚餐咁，系另一种体验。✨
🥘汤底：我哋㨂咗励志锅（即麻辣汤底🌶）并酸菜白肉锅🍖
励志锅并酸菜白肉锅
15 浏览
0 赞好
0 留言
💪🏻励志锅：由多种药材熬制。同其它麻辣火锅唔同，呢度嘅辣系慢慢渗透出嚟，唔会话食到流晒鼻水咁刺激。另外，随锅附送嘅鸭血同埋豆腐系无限添加，啱晒钟意食鸭血嘅朋友🤩
🍖酸菜白肉锅：有惊喜！白肉系肥瘦相间嘅五花腩肉，切到好薄，煮到好淋，好似东坡肉咁，入口即溶，正到一个点🤤而𠮶汤酸得嚟又唔会呛喉，同时提升左其他食材嘅鲜味，亦减低食物嘅油腻感，真系极力推介👍🏻👍🏻👍🏻
鸭血/酸菜白肉
9 浏览
0 赞好
0 留言
🐧企鹅仔墨鱼丸：造型好可爱😻墨鱼肉鲜甜又弹牙👍🏻
企鹅仔墨丸
39 浏览
0 赞好
0 留言
企鹅仔闯天下
17 浏览
0 赞好
0 留言
🐑精选羔羊肉：有羊味得嚟又唔会太膻，啱晒想食羊肉但怕膻嘅朋友。
精选羔羊肉
17 浏览
0 赞好
0 留言
🐙墨鱼仔：新鲜弹牙，系麻辣火锅良伴🙌🏻
墨鱼仔
41 浏览
0 赞好
0 留言
🧋珍珠奶茶:乌龙茶茶香突出，珍珠QQ，好有台湾风味。
麻油鱼皮凉拌/珍珠奶茶/菠萝沙冰/时令水果
32 浏览
0 赞好
0 留言
**************
🎖激赞配套🎖
**************
👍🏻 自己酱油自己配。呢度嘅酱料吧枱有好多种唔同嘅酱料俾你拣。最推介嘅系一款海鲜酱油，呢𠮶酱油多咗一啲醋香味，同墨鱼仔🐙好衬☺️
👍🏻提供自助前菜同水果🍉
特别推介佢嘅爽鱼皮冷盘，鱼皮切成条状，沾满麻油香，质感弹牙爽口，QQ的，令人食不停口，啱晒送俾酒🍻
👍🏻自助鲁肉饭🍚
好多人都喜欢嘅鲁肉饭，呢度可以任装，饭同鲁肉嘅黄金比例由你决定，系咪好爽呢🤤
自助鲁肉饭
18 浏览
0 赞好
0 留言
👍🏻解辣菠萝沙冰🍍
当你食到咁上吓，侍应会送上每人一杯菠萝沙冰，俾你解吓辣，真系好细心🥰 菠萝沙冰味道清新，仲有菠萝肉，口感丰富之余又透心凉。谁说免费嘅嘢冇好嘢🤗
👍🏻梅子乌龙茶冻🍮
食到尾声，侍应又会送上甜品。梅子酸酸甜甜，加上茶冻清香，为食客淸一清口腔，解一解油腻，为火红火绿嘅火锅餐划上完美句号。大满足！
梅子茶冻
14 浏览
0 赞好
0 留言
🏵服务周全🏵
🤵🏻♀️虽然忙，但系待应都不时主动过嚟添加汤底，令食客冇后顾之忧，可以安心享受美食。
👩🏻🍳设有围裙
食火锅好易整污糟衫。店舖为食客准备围裙，有咗围裙，当然食得更自在😉
整体体验都好好，唯独用餐时间得90分钟，想享受耐啲都有难度，因为店外等紧嘅客人何其多～无他，呢度性价比极高😌
张贴
