甘饕 (已結業)

传说，呢间系性价比好高嘅烧鹅店，系镛记烧鹅后人开嘅，咁岩今晚系铜锣湾附近放工，就决定一试！放工咁攰，多数都唔想谂食乜嘢，一打开餐牌，就见到呢个二人餐嘅combination，唔洗谂，即刻叫😙头盘系溏心皮蛋：其实皮蛋是配角，重点系上面嘅酸姜😆 超多超酸，去寒一流！汤：佢个样其实似老火汤，但一饮落去，系浓浓嘅炖汤feel，虽然我唔系好知有咩料，但系浓味反映左佢系足料（后记：饮完无口干😆 无味精认证👍🏻）卤水猪脚仔：入味！同埋都有肉地！好岩钟意妹下妹下嘅人😋主角黎啦：甘饕烧鹅 🦢😋 烧鹅皮系每一碟烧鹅嘅灵魂，呢碟，皮脆而脂肪簿，入口唔会太油腻，肉呢，都系乎合水准的👍🏻 烧鹅酱都好正！唔系平时油楼个啲水水地，呢个酸味出多少少。仲有菜有饭&米粉，份量够两人食，刚刚好，唔会太多或太少😙 系一个好好嘅放工后嘅晚饭选择！