四季文昌 (已結業)

听闻而家国内好兴食呢一种椰子鸡火锅， 我自己都系第一次食，呢间火锅店就响太子附近，响地下上2楼。新装修，环境都好宽敞好大！来到呢一度点可以唔叫椰子鸡火锅？椰子汤需要先煲热，入边仲有真椰肉！煲嘅时候已经好香！职员介绍呢度嘅鸡真系来自海南岛！所以好滑！鸡吸收左椰子汤底，好甜！未试过原来火锅嘅鸡可以比白切鸡更加滑！鸡嘅脂肪唔算多，所以煲热之后都唔太多油！反而个汤底好甜！我同朋友都完全饮晒！饮完椰子鸡汤职员就变成蕃茄汤底。蕃茄汤底连埋呢一盘面包蟹海鲜！材料好多！大蚬好甜！青口同埋蔬菜都好好食！放落番茄汤底煲一流！呢一个猪手好特别，用沙姜制成！好惹味！呢度嘅贡丸亦都好弹牙！好食！山形A5和牛肉肩牛味又香又重！脂肪分布好均匀！入口脂肪好香！但又唔会太肥！超高质素！安格斯牛小排都唔错，脂肪比牛肩脊多少少，但系会有入口即溶嘅感觉。牛味好香！呢度无论海鲜同埋牛肉再加埋汤底每一样食物都好出色，希望下次多啲人嚟试多啲嘢！