大飯糖甜品小食屋 (已搬遷) 新店位置

今日放工同友人到洪水桥揾食，见到呢间糖水铺甜品好吸引，又有热食，就决定入去试下。 一开始先点了一个咖哩鱿鱼拼盘、肠粉烧卖同西瓜汁。咖哩鱿鱼 超级赞呢份咖哩鱿鱼唔单止份量多，够两个人食，重点系咖哩汁超好味，唔系平淡稀身果只咖哩汁，配埋鲜甜罗白，好味！而且鱿鱼好入味爽口，黑椒牛丸都好味！而肠粉烧卖同西瓜汁就不过不失。由于未饱于是忍唔住再encore 咖哩鱿鱼同牛丸，再加两个甜品焦糖炖蛋同心太软配3.6软雪糕。焦糖炖蛋 十分有惊喜估唔到小店但咁用心整甜品，面头层焦糖唔会太厚太甜，刚刚好薄薄一层脆片，而入面既炖蛋唔系用精油，而系用云呢拿籽整，味道更香口，口感都好滑好Cream，值得一试！而心太软match 3.6软雪糕，都好味！心太软做到流心效果，流心配软雪糕十分夹，赞！杨枝甘露芒果份量好够 芒果都几甜 有西米同碌柚，味道不俗整体都好满意，而且店员好细心，主动提供两只叉比我地。