Terrace in seaside (海運大廈)

营业中

休息中

今日去咗尖沙咀好人气嘅韩式咖啡厅，Terrace in Seaside真系食得好开心！首先试咗「极度惹味泡菜八爪鱼紫菜包饭」，紫菜包饭上面摆放著八爪鱼，口感好鲜嫩弹牙，再加上泡菜嘅酸辣味，味道唔错☺️跟住试咗「乌卒卒墨汁八爪鱼炖饭」，米饭吸收咗墨汁嘅鲜味，每一粒米都饱满入味，八爪鱼又滑又弹，配少少沙律酱又会有另一层次🙂‍↕️然后一定要叫大热门甜品！「开吾开心试左先知既开心果蜜糖窝夫」，外脆内软，配上开心果碎嘅香气，仲有蜜糖嘅甜味，加埋雪糕，又靓又好食，完全唔会腻🤤另外为咗消暑，呢2杯饮品个人亦高度推荐，「人生迷芒的芒果沙冰🥭」以及「济州柑橘乳酸梳打🍊」，尤其系沙冰，除咗芒果味浓郁，仲会切咗半个芒果放喺杯上面，真系好适合炎热嘅天气。