根

营业中

休息中

自从见过媒体介绍 Root Cafe 嘅苔玉之后，一直好想试；直至上星期病到口淡淡，劲想食甜嘢，于是就下定决心走咗去食。Cafe 位置认真隔涉，外面又有地盘围板封实，景观欠奉，还好室内有棵大树好吸睛。说实话，我相信绝大部份嚟捧场嘅都应该系 fans。说回食物，我觉得最出色系甜品，味道佳，卖相更佳。Menu 话苔玉有朱古力 mousse，朱古力软心同朱古力脆脆蛋糕，其实最入面应该仲有士多啤梨软心，酸酸哋，正好中和朱古力嘅甜漏。甜品顶部有只甲虫好得意，外面嘅「青苔」像真度高，不过「好睇唔好食」，容易呛喉。主食我拣咗卡邦尼意粉，呢度嘅做法较正宗，冇落忌廉，只用蛋黄同 Parmesan cheese。鸡蛋系兰王，色泽鲜明，蛋味浓厚。意粉略嫌偏咸，因为配料采用意式烟肉同意大利火腿，两者都咸，后者更烤至硬身，口感麻麻，可能唔烤会更好。最后叫多杯 Cappuccino，奶泡绵密，奶味偏重，虽然并非我的口味，但喜欢奶啡的人应该好钟意。