甜椰椰 (已結業)

难得老板特然话好想食甜品，作为首席秘书嘅我当然要立即安排。 即刻9秒9㩒钟俾河畔落车。行到入河畔花园城呢个圈，发现原来多咗几间甜品店。去度甜椰椰门口，见仲有几枱系入面，即系冇咁快收舖啦(话哂成12点半) ，可以安心慢慢食，所以就入去坐低order 嘢食。 见佢餐牌都好多选择，我好自然就叫咗我最爱杨枝金露绵绵冰， 而老板就叫雪山意式芝士饼同芒果西米露。我嘅绵绵冰好足料，亦好大份，食完之后大满足。至于老板叫果2个，较出色同特别系雪山意式芝士饼。 呢个甜品卖相特别，仲可以跟雪糕球，又系大大份，见到呢座山不知几开心。 呢个甜点中间系cream cheese, 外面用米通包围，再洒上chocolate powder, 食落唔漏，可以推介.叫咗3个甜品都系100左右，唔贵，好合理嘅价钱，下次老板再想食可以唔驶伤脑根lu