Miss Pisces Creations

营业中

休息中

📍尖沙咀 Miss Pisces Creation 📍次次行过都会想入去呢一间甜品店试吓，今日终于的起心肝去试！特登留肚食邪恶嘅美味😆😆😆😆！💕香滑伯爵茶奶茶 $40全手工饮品😳，新鲜、保留到最原始嘅茶香。口感香滑，伯爵茶浓郁🥹，作为奶茶控，很满意呢🥹🥰！💕开心果流心麻糬牛油松饼🍪 $45近年流开心果甜品，我个人都好喜欢，因为本身唔太钟意好甜嘅嘢，而开心果嘅甜品，唔会太甜，仲会多咗一种果仁香味。呢一个流心麻糬松饼几有松饼嘅口感，亦都有麻糬嘅烟靭，口感层次丰富。加上唔会太甜，突显到开心果嘅果仁香，推荐！💕焦糖朱古力肉桂卷 🍥$45呢个肉桂卷好有诚意😳，汤种面团低温发酵，保留到淡淡面香，口感烟韧，仲用咗法国朱古力酱，香滑浓郁😋😋😋！而且唔会太甜，恰度好处😀！相信热食会仲好食！💕威士忌提拉米苏巴斯克蛋糕 🍰 $50第一次食提拉米苏同巴斯克蛋糕嘅混合，好特别，好有创意！本身对于两者我都好钟意食，估唔到咁样夹埋一齐都好夹！咖啡同埋威士忌嘅味道相得益彰，再加上香滑嘅巴斯克芝士蛋糕，清香嘅云呢拿籽，呢个味道令人深刻同留恋🥲。店舖入边有两张小桌子，可以比客人即刻食。环境好悉心装饰，优雅而简约，好舒服。