甜心良品 (已結業)

店员话WEEKEND多人BOOK台会好D, 但其实唔BOOK都有位既, 大家放心。原来加左价WEEKEND要98蚊位, 眼见D人多数散嗌好少食BUFFET。薯茸稍咸, 烟肉唔系好觉眼有, 食完超饱。批类几好味。CHEESE CAKE 超难食, 口感差, 放唔入口呀。朱古力心太软最好食, 朱古力流汁多但偏咸, 有D"那"喉, 但都叫左2个食。迷你拿破伦得1层, 味道OK。疏夫厘凹既, 唔好食。芝士捞丁比想像中好, 味道淡淡的, 面够淋, 岩我口味。木槺慕丝好食, 不过唔冻既。冻法式炖蛋底冻面热, 冰火感受, 正!蒜蓉多士都好好食嫁, D雪糕都好够冻。总结: 以上甜品全部MINI SIZE, 店员个个全程笑容满面。