影片
更多
2020-10-15
384 浏览
呢日约咗个朋友喺MOKO食晏，佢带咗我去想试多时嘅「The Pantry & Chips Republic」。喺商场同层远处已经见到好大个广告指示，因此餐厅唔难揾✌🏻。入到去先发现餐厅面积原来唔系想像中咁大，因为个商场超级大，所以有少少反差感哈哈。环境好舒服，座位阔落，之但系真系好满座(估唔到平日Lunch Time都咁夸张！)，Full House时有啲嘈🙉，哈哈。我知餐厅出名食班戟，不过原来都有卖好多咸食，仲有Lunch Menu添。价钱大约百中等一位，就咁睇唔算平，但食完我可以肯定讲佢值呢个价😜，加上喺大商场嘛，舖租实贵...。Daily Soup是日餐汤及Salad沙律，我哋各要咗一份，餐汤系南瓜汤🎃，几Creamy唔错。🥗沙律近似凯撒沙律，冇落醋汁啱晒我口味，而且我钟意佢加咗苹果粒同面包糠脆脆。Spicy Sunshine Burger & Chips($125)，我冇谂过呢度嘅出品仲好食过汉堡包店😍，认真的呢。汉堡包无论造型定食材用料都好高质，斋睇块㶶边嘅菠萝已经好吸引。汉堡包高度啱啱好，揿扁少少可以一次过食晒咁多层🍔，面包算几松软。汉堡包馅料包括🐮安格斯牛肉汉堡扒、🍍菠萝
入到去先发现餐厅面积原来唔系想像中咁大，因为个商场超级大，所以有少少反差感哈哈。环境好舒服，座位阔落，之但系真系好满座(估唔到平日Lunch Time都咁夸张！)，Full House时有啲嘈🙉，哈哈。
我知餐厅出名食班戟，不过原来都有卖好多咸食，仲有Lunch Menu添。价钱大约百中等一位，就咁睇唔算平，但食完我可以肯定讲佢值呢个价😜，加上喺大商场嘛，舖租实贵...。
Daily Soup是日餐汤及Salad沙律，我哋各要咗一份，餐汤系南瓜汤🎃，几Creamy唔错。🥗沙律近似凯撒沙律，冇落醋汁啱晒我口味，而且我钟意佢加咗苹果粒同面包糠脆脆。
Spicy Sunshine Burger & Chips
$125
21 浏览
1 赞好
0 留言
汉堡包馅料包括🐮安格斯牛肉汉堡扒、🍍菠萝、🇲🇽墨西哥辣椒、🧀车打芝士、🍅蕃茄同生菜。汉堡包最特别在于个酱汁，因为辣辣哋好惹味，加埋菠萝就变得有啲夏威夷风情。啡绿色嘅辣椒好辣🌶️，自行判断挑唔挑走去⚠️。牛肉汉堡扒亦好好食😋，牛味浓郁，而且相当Juicy。
搭配嘅炸薯条🍟亦都唔错，首要系热辣辣新鲜炸起，所以斋点茄汁已经食到舔舔脷。
Seafood Linguine
$138
26 浏览
0 赞好
0 留言
餐厅出手唔吝啬，海鲜有🦐虾肉、🦑鱿鱼、青口同带子仔等，最重要系每样海鲜都好新鲜，唔系雪藏货雪到冇晒味道，咁先至唔会做坏招牌㗎嘛！
龙虾汁扁意粉本身都好好味，扁意粉口感冇得输，非常弹牙做到Al Dente嘅效果👍。龙虾汁虽然冇龙虾汤咁浓郁，不过用来做意粉挂汁都已经好足够。
Tiramisu Pancake
$112
16 浏览
0 赞好
0 留言
甜品摆盘超靓💕，用朱古力酱画碟，加埋士多啤梨同蓝莓点缀，尤如艺术品一样。两块Ricotta厚班戟叠埋一齐，上面淋上提拉米苏酱，再落埋燕麦松子仁就完成。旁边系咖啡糖浆☕️，食客可以自行决定落几多，个人认为糖浆唔太甜兼且同班戟好夹，落多啲都无拘。厚班戟口感超超超松化，好绵好Fluffy，但绝对唔系蛋白未熟湿笠笠嘅感觉，食完都唔会饱滞住。作为提拉米苏专员嘅我，觉得佢嘅Tiramisu酱亦好出色，有软芝士嘅元素。
Vanilla Milkshake及Chocolate Milkshake🥛(原价$49, 跟餐+$25)，餐厅亦都出名饮奶昔，跟午餐可以以优惠价加配，不过就只系得三款口味拣。比较特别嘅朱古力香蕉花生酱、焦糖脆脆、百利咖啡忌廉甜酒等冇得嗌，就算补钱都唔得，一定要比原价。谂落有点可惜，但基于钱嘅份上就算啦，无理由唔嗌平啲。奶昔甜甜的好饮，不过留意番饮完会几饱下🤰。
我今餐食嘅所有食物质素都非常好，除此以外，我亦好满意整体嘅用餐体验。一开始入座嘅时候见咁多人，我有啲惊出餐会好慢，始终都赶时间。不过事实上餐厅嘅上菜速度控制得好好，落完单冇耐沙律同汤就好快送上；当食完前菜不久，主菜亦会出现。店员们服务专业，主动提供小碟方便我哋Share食，而且亦对餐牌熟悉。可能有人会觉得上述系基本嘢，但佢能够喺繁忙嘅午市期间做到确系抵赞💯。
题外话，餐厅门口有个位置专做外卖订单🥡。
总括嚟讲，餐厅有好嘅声誉绝对唔系浪得虚名⭐️，皆因佢各方面都做得好好，冇乜可挑剔嘅地方。当然佢定价真系唔平，但帮衬完我又觉得佢标呢个价都好合理呢！我一定会再帮衬，希望佢可以喺其他地方开分店啦😉。最后，详细餐牌已上载以供大家参考🙏🏻。
张贴
