泰皇悅 (已結業)

又系烦恼食咩晚饭既时候喇，试多次泰皇悦啦，想食海南鸡呢 ﹗一落火车就打定电话叫外卖，去到即攞唔洗等麻。泰式猪肉生菜包加辣，上次食过麻麻地，尊登黎试多一次。一打开个盒已见到跟上次完全唔同，心谂我就系要依个喇 ﹗上次炒到好湿，好多水，白色猪肉无颜色，味道不酸不辣，无咩香菜香料 ﹗今次就唔同喇 ﹗香气直扑鼻孔，镬气够又热辣辣，颜色痒眼又炒得够干爽 ﹗香菜、葱头、洋葱都切得够幼细，味道更浓郁。即刻捞一捞再用生菜卷住食，正呀 ﹗够晒辣又香口，酸度刚刚好再夹著淡淡香菜，好味 ﹗真系认唔住要一口气食晒呀 ﹗刚才尊登将生菜放系冰箱一阵，食既时候先攞出黎。猪肉炒得香口干身，干葱、洋葱、香菜好惹味 ﹗用冰凉爽甜多汁生菜包住食，一冷一热、一脆一咽靭，味道丰富又几重口感，好味呀 ﹗食落又唔系觉得好辣乍㖞，又唔多见到有辣椒，我既劲辣后副作用又出现喇，火烧后栏啦，哈哈。去骨泰式海南鸡半只配泰式酸汁，除鸡翼外都去晒骨喇 ﹗传统地有麻油味，烚完鸡用麻油按摩过啦 ﹗鸡皮唔紧致，肉质偏腍而且唔够滑，唔关师傅厨艺事，系只鸡本身不太好啫 ﹗鸡肉本身无咩味，真系靠晒依个泰式酸汁喇 ﹗够酸带非常微既辣，好开胃，捞饭一定好正。食食