爐炭燒

营业中

休息中

好多年冇去过海洋公园，亦从来冇用过生日免费入场优惠，今年见生日系星期日，即管预约入场行吓。生日唔想系乐园食快餐，所以之前做定功课，锁定目标餐厅，就系食泰菜，入到场都11点几，经过目标餐厅已经有10几人排队，谂谂吓都系食饱先慢慢玩。12点餐厅开门，以为可以即时入座，点知原来餐厅唔大，加埋人数限制，结果都系要Gulu 攞飞，最后，都系要食第二轮，等位期间就四周围行吓睇吓。叫咗两个午餐加个春卷，每个餐有餐汤、沙律、主菜、甜品及饮品，价钱由$208-$248，当然唔算平，但主题乐园餐厅预咗系咁上下，可接受啦。食物方面，评价如下：泰式青木瓜沙律：清新开胃香茅蕃茄汤：充满蕃茄味菠萝海鲜炒饭：份量细，但真系有海鲜，味道唔错红咖喱烩鸭饭：份量细，好少鸭肉，味道唔错泰式春卷：新鲜热辣，够脆口椰汁千层糕：好味，够烟韧总括来说，系份量较少，男士们应该食唔饱，但乐园餐厅来讲，可以舒舒服服食餐饭算唔错。