Cafe 103

营业中

休息中

六月半生日，拣左间靓景而可能系香港最高嘅餐厅食自助晚餐，景色唔使问实属一流，可以自己一个，如有美伴确会生色不少，但一人亦别有一种随性。由于早一星期已经电邮预订，是日星期五，客人不算太拥，餐厅安排左我一人坐一四位餐桌，地方宽阔，一日独霸四人桌，拿野食亦唔怕太多摆唔到。餐厅自助晚餐有生蚝，龙虾，长脚蟹等冻盘，不过个人行经觉有小小味所以冇拿，而熟食，有中西印各款，中式竟然有乳猪而且仲系皮脆肉嫩，一来少见，二来真系好味，拿笫二转有添食，个人亦比较喜肉食，烧牛肉同猪肉亦做得唔错，还有日式刺生亦新鲜，可惜款少，得三文鱼，带子同凡立贝，如加上个人喜欢的吞拿鱼相信会有加分。上面讲到肉，咁就不得不提酒，加100蚊港币，可以有白，红，气酒任添饮，餐厅用酒都几好，三只都试过，个人觉得加100性价比高。此外餐厅亦有提供生日甜品拼盘，不过都系食返是日甜品区个啲好味啲，服务来讲都殷勤迅速