Odelice! (PopCorn 1)

今日生日老公book左一间Odelice食法国菜餐厅，餐厅装修优雅，高尚座位又舒适又有卡位。今日生日当然要有白酒贺一贺，呢枝白葡萄酒容易入口，清香，甘醇和淡淡葡萄清香。Tropical Passion Ice Tea 酸酸甜甜几开胃，又有百香果子唔会太甜。新鲜大蚬蜗蚬只只肥美又新鲜，用上苹果白兰地忌廉汁来煮大蚬令蚬肉更加美味。OMNI新膳肉丸，用左植物肉做肉丸，食落同猪肉冇咩分别，仿真度好高，肉质又唔鞋，用香辣地中海酱汁煮煮到肉丸好香，酱汁酸酸地几正。封煎大西洋鳕鱼，鳕鱼煎到好香鱼肉嫩滑，配菜有芦笋和菠菜，酱汁有青豆蓉，蒜香沙律酱，蕃红花忌廉汁来点上鳕鱼又几香口。特色啤酒炸鸡配雅枝竹莎莎酱，炸鸡炸到好香肉又唔鞋，配上酸酸辣辣又几正。火焰橙酒可丽饼，侍应会系上面淋上著紧火的橙酒，令上面有少少火，火烧完就可以食，可丽饼皮好烟韧又有橙酒香，又有新鲜橙肉好好味。