肉多多火鍋

餐厅来自台湾，陈获得多个奖项，而第一间海外分店拣咗喺香港开，除咗提供多款特色肉类之外，仲有唔少街头小食、甜品等供应，希望可以俾客人享受到道地嘅台湾美食。净系汤底已经有唔少选择，招牌爆炒海味石头汤以数种海鲜及蔬菜调制，搭配爆炒培根猪，油脂四溢，带麻油香气，味道鲜甜浓郁。建议先品尝汤底同肉块再加汤打边炉。私心推介大胃王三层架，包含顶级低脂牛、顶级霜降牛同澳洲和牛，一次过食齐三款特色牛，低脂牛中间有层透明嫩筋，肉质软嫩带脆感、霜降牛即系牛颈脊，牛味突出、和牛入口即化。庆祝生日嘅不妨叫埋个生日肉蛋糕，打卡一流，系视觉同味觉嘅双重享受，猪肉肥瘦均匀，带咬口，估唔到都几饱肚。最后记得留肚食埋甜品先好走，将雪糕捞埋台湾经典配料，正。