影片
更多
2014-11-30
2727 浏览
生日之时占中刚刚开始不久, 拣左去铜锣湾食饭, 之前呢间店之前因为熊本熊主题而大排长龙, 不过因为占中而冇哂人~ 咁难得即管试试!!餐厅食既主要系日式洋食, 今次就拣左一个饭同意粉黎试, 另外cocktail 买一送一, 于是又叫左两杯试试!冲绳塔可饭(Taco Rice)塔可饭系呢间餐厅既主打菜色, 系冲绳既特色食品。呢道菜起源系墨西哥既Taco, 即系墨西哥既粟米脆饼夹上菜、辣肉酱、芝士等等。冲绳人就改良将粟米脆饼变成饭, 捞埋菜、辣肉酱、芝士黎食。第一次食感觉好新鲜好FRESH, 一般食Taco食得多会觉得好热气, Taco rice 就冇咁既感觉, 主因系加左大量沙律菜, 食落就唔会热气同漏, 加上肉酱同鸡蛋食落感觉唔会好似斋沙律咁寡, 好有层次!忌廉烟肉意粉(Carbonara)之前食评都讲过要起香港揾到好食既意粉真系好难。呢间既意粉就做得不错! 拍得住欧洲水平! 忌廉汁用番鲜忌廉煮, 而唔系垃圾意粉酱, 好creamy好滑好有奶香, 烟肉煎得十分香脆, 加上意粉煮得岩岩好, 唔会太淋, 加上温泉蛋成个配搭系完美! 伴碟既丹麦面包(Danish Bread) 都不是省油的灯
餐厅食既主要系日式洋食, 今次就拣左一个饭同意粉黎试, 另外cocktail 买一送一, 于是又叫左两杯试试!
冲绳塔可饭(Taco Rice)塔可饭系呢间餐厅既主打菜色, 系冲绳既特色食品。呢道菜起源系墨西哥既Taco, 即系墨西哥既粟米脆饼夹上菜、辣肉酱、芝士等等。冲绳人就改良将粟米脆饼变成饭, 捞埋菜、辣肉酱、芝士黎食。第一次食感觉好新鲜好FRESH, 一般食Taco食得多会觉得好热气, Taco rice 就冇咁既感觉, 主因系加左大量沙律菜, 食落就唔会热气同漏, 加上肉酱同鸡蛋食落感觉唔会好似斋沙律咁寡, 好有层次!
忌廉烟肉意粉(Carbonara)之前食评都讲过要起香港揾到好食既意粉真系好难。呢间既意粉就做得不错! 拍得住欧洲水平! 忌廉汁用番鲜忌廉煮, 而唔系垃圾意粉酱, 好creamy好滑好有奶香, 烟肉煎得十分香脆, 加上意粉煮得岩岩好, 唔会太淋, 加上温泉蛋成个配搭系完美! 伴碟既丹麦面包(Danish Bread) 都不是省油的灯, 十分之松软, 用黎点意粉汁食好正!
Cocktail忘记左呢2杯cocktail 既名, 不过两杯都唔好饮, 其中后面紫色果杯好重药水味, 2杯都饮唔哂, 睇黎呢度D野饮麻麻地....
总括而言, 食物一流, 但野饮伏伏, 环境坐得十分舒服, 气氛都好好, 岩哂朋友谈心同埋情侣拍拖
张贴
