The Socialhouse (已改名) 查看

是晚系我的生日饭，朋友㨂咗呢间系大坑的西餐厅同我庆祝，地点旺中带静，天后站行几分钟就到。朋友见我瘦咗，就不停叫野食，要食肥我。两个人食一个沙律，一个前菜，两个主食同一个甜品，非常非常丰富。最钟意炭烧八爪鱼，调味适中，有炭烧的香味，重点是八爪鱼的口感非常软熟。另一个主菜西班牙式烧乳猪应该是餐厅的招牌菜，睇食评好多人食，个乳猪皮超级脆，肉系肥瘦适中。最开心系朋友俾的小惊喜，有生日字样的苹果拿破仑，味道清新，好食又可以影个相留念。