影片
更多
2014-09-17
9562 浏览
其实Sky Dining既餐厅都试得七七八八, 一直都想试RyuGin...但好难book位, my other half对我很好, 提早两个月就book到喇...来RyuGin食野, 系冇a la carte架, 只有一份chef menu同埋只有晚餐...我觉得呢个idea几好, 咁样先感受到个chef既style同埋知道佢ge水准...重质不重量ge meal我好buy架!!! $1980一位, 有10道菜...另外order左支sparkling water $68, 因为职员推介ge乌龙茶唔岩心水~chef佐籐秀明, 会因应季节, 选用日本当造的材料, 每天直送至香港...而且chef还会不时返日本深造, 钻研更高层次的料理水准...天空龙吟系日本龙吟ge首间海外分店~~天空唔知系咪sky dining既意思呢?menu本身使用的食材会因应客人的需要而改变,例如我对capcicum有敏感, 于是chef会另用其他食材去取代, 但又不失其原本特色!!! 例如: 第六道菜改用sweetcorn取代bell pepper, 第七道菜改用椒叶取代椒粉,但依然能够维持该道菜的特色和味道
但好难book位, my other half对我很好, 提早两个月就book到喇...
来RyuGin食野, 系冇a la carte架, 只有一份chef menu同埋只有晚餐...
我觉得呢个idea几好, 咁样先感受到个chef既style同埋知道佢ge水准...
重质不重量ge meal我好buy架!!! $1980一位, 有10道菜...
另外order左支sparkling water $68, 因为职员推介ge乌龙茶唔岩心水~
chef佐籐秀明, 会因应季节, 选用日本当造的材料, 每天直送至香港...
而且chef还会不时返日本深造, 钻研更高层次的料理水准...
天空龙吟系日本龙吟ge首间海外分店~~天空唔知系咪sky dining既意思呢?
menu本身使用的食材会因应客人的需要而改变,
例如我对capcicum有敏感, 于是chef会另用其他食材去取代,
但又不失其原本特色!!! 例如:
第六道菜改用sweetcorn取代bell pepper, 第七道菜改用椒叶取代椒粉,
但依然能够维持该道菜的特色和味道!!! 所以好佩服chef的厨艺呀!!!
加上平时出面食开价钱比较大众化的日本料理, 都会使用tube装wasabi~
我觉得劲难食, 所以每次我都只会dip日本soy sauce,但当然RyuGin就唔会喇~
佢用新鲜ge山葵, 磨成细泥状, 唔会得个辣字同埋攻鼻, 食落口好香,
有少少令口腔凉凉地感觉...同埋系有少少刺激舌头和鼻腔, 但又唔过份~
食真d系有少少甜味~我将鱼生先点soy sauce, 之后才加上少量山葵, 会好味d!!
另外我好想赞下餐厅既MENU好有心机!!! 我喜欢信封&台布既深紫色呀!!!
感觉好高贵,同埋张台布滑不溜手~餐具连器皿全部都好精致,应该有部分是手制的~
所以用餐时, 我都会好小心, 同埋用餐前后都会欣赏佢D餐具&器皿~~
第一道菜: cold somen noodles topped with kegani crab
& ume-tomato sauce
(评分: 6/10)
第一道菜是冷盘, 素面凉浸浸&好爽口, 吸哂D sacce既味道,
再配上丝丝蟹肉, 我觉得好鲜甜, 吃到最后个sauce沉底所以冇再食,
因为就咁食个味道重了些, 如果素面多d份量就可以食埋d sauce唔浪费喇~
同埋佢有少许绿色秋葵配上橙色的sauce, 个卖相好colourful令人好有食欲...
秋葵虽然份量不多, 但佢既texture可以thicken个sauce!!食落口更有口感~
我希望蟹肉可以多d或者sauce可以少d, 咁样先可以balance返个味道~
第二道菜: simmered abalone, mushrooms,
pine nuts on hot egg custard
(评分: 7/10)
个plating用左秋天既落菜伴碟, 眼看似件艺术品, 寓意秋天的来临.
是一味温热的前菜, 同一般日式蒸蛋唔同, 用料较为高级, 使用了鲍片...
但我觉得鲍片的质素与普通canned abalone差不多, 不过口感都弹牙~
亮点系佢加有不同种类的菇菌, 各种菇菌都有不同口感和颜色...
丰富了整道菜的卖相和口感, 爽口香甜的菇菌仲有适量的香浓松子粒粒...
再加上蒸蛋的嫩滑, 口腔一次感受到多种层次的口感和味道, 系好丰富...
但是败笔在于蒸蛋竟然没有蛋味, 我很好奇chef到底用了多少份量蛋??
如果单吃蒸蛋的话就像吃了无味的滑豆腐, 口感满分, 可惜味道零分...
第三道菜: poached gillardean oyster wrapped with
shyabu-shyabu wagyu beef and grated celeriac jelly
(评分: 10/10)
这道菜我给了最高的评分, 希望chef可以保留这道菜式, 我很想再吃!!!
一只size较大, 洗擦得干净雪白的蚝壳, 盛著一只法国石蚝...
虽然品种不及铜蚝出名, 不过此石蚝, 蚝肉好肥美, 结实而富有弹性,
口感爽脆鲜甜, 但蚝味唔会过份霸道, 海水味柔和唔浓烈,
配上60度温煮和牛, 厚薄度刚刚好, 入口暖和, chef还特意将其分为二,
令食客容易于食用, 虽然只有两口, 但足以令我回味无穷!!!
和牛好有牛香, 入口很是绵滑, 咀嚼时非常爽口弹牙, 石蚝口感卜卜声~
加上石蚝的鲜甜和芹菜jelly清爽度可以减低和牛的油腻感~真系好想再食呀!!
第四道菜: charcoal grilled kinki with ichibandashi soup
with night jasmine, winter melon and aka eggplant
(评分: 7.5/10)
食之前职员建议先饮几啖汤, 再品尝里面的食材~个汤老实讲煮得麻麻地~
炭烧日本深海鱼的鱼王"喜知次鱼", 肉质好滑，鱼脂四溢，不过又唔易松散,
是很"实肉"的一件鱼块, 鱼皮被烧得金黄色兼且香脆, 仲有淡淡的炭味...
汤里面既冬瓜同埋茄子煮到淋哂, 索哂汤里面既精华&鱼油, 所以好好食呀!!!
同埋冬瓜茄子已经被煮得冇哂颜色, 咁样望落去喜知次鱼系更加靓&抢镜!!!
第五道菜: assortment of sashimi (当天有比目鱼, 北寄贝, 赤身吞拿, etc)
(评分: 6.5/10)
先讲我至爱既鱼生系toro & uni,我不知几咁期待今日会遇到...
可惜冇uni, 但有两片toro...但只有一片系我喜欢的部位~
加上份量实在太少太薄喇, 一啖就食完一碟, 感觉好小家...
值得赞既系, 佢有选用新鲜即磨的wasabi, (intro也有提及过)
所以挽回不少分数~同埋食材系新鲜既!不过外面都食得到啦...所以不太特别~
第六道菜: slow cooked blue lobster and
selection of vagetables
(当天有bell pepper但chef为我转了sweetcorn) agedashi style
(评分: 6/10)
blue lobster份量比BB的拳头还要少, 一啖就可以食哂, 真系好分子料理...
不过佢味道的确好浓郁, 隐约食到海洋的咸香, 肉质爽口弹牙,
比传统的法国餐厅的西式煮法更出色, chef用慢煮方法更易保存蓝龙虾的鲜味~
白萝卜蓉汤的温热感可以令蓝龙虾保持温暖, 令到肉质没那么快变硬而失去爽滑口感!!
败笔是tempura的伴菜, 已经索到d汁淋哂, 只有汤味而没有材料本身的味道...
第七道菜: large eel grilled over binchotan charcoal
(评分: 9/10)
plating平平无奇真系唔觉得有咩惊喜, 只系几旧有鳗鱼汁既鳗鱼姐~
不过近看就闻到鳗鱼汁浓香朴鼻!! 其实备长炭烤鳗鱼系日本好古老的做法~
一入口系先浅尝到备长炭的香气, 咬落口鳗鱼的表面非常脆口...
只系冇薯片咁脆, 由于系慢烤关系, 所以肉质较为松软,鳗鱼酱汁也偏甜~
而山椒叶(因为我对山椒粉敏感, 所以chef用叶代替, 依然保留到原来的味道)
更加起了化学作用, 令味蕾尝得更多层次感, 因为香气和味道能中和鳗鱼汁的油腻~
第八道菜: ikura salmon caviar on steamed rice
(评分: 7.5/10)
装饭果只瓷碗好靓, 我欣赏左好耐差点儿想问侍应这个碗值多少钱...
我自己很想要一只, 这碗所谓的"高级鱼生饭"外表平平无奇,,,
鱼货新鲜是常识吧...但我好奇它竟然没有豉油, 只有新鲜磨的wasabi...
意想不到的是, 只用新鲜山葵件日本米饭竟然好食到咁西利~~
米粒烟韧有饭香, 粒粒肥大, 黏性够高, 三文鱼子咬落去卜卜声唔腥~
可惜个面豉汤冇乜特别, 跟外面的日本餐厅水准差不多, 味道唔突出...
享受甜品之前, 职员奉上热茶, 清一清味蕾,但味道一般,
不过只杯真系好靓~我又系拎住系手欣赏左好耐...好想要只呀!!
第九道菜: RyuGin signature dish
(-196 degree peach candy & +99 degree peach jam)
(评分: 9/10)
呢道菜都唔驶多解释, 就系冰火交替, 可以刺激味蕾...
讲真,个PEACH真系整到好神似, 颜色形状相似到达至90%以上...
白桃果酱有好多果肉, 大大粒有咬口,酱汁唔算多但系够浓郁!!!
唔会过甜, 所以冇抢走香桃本身应有的味道, 虽然煮过...
但系口感依然几爽口...但内里又会稔滑...淡淡的粉红色好靓呀!!!
扑碎左既PEACH CANDY里面系白色糖粉冇乜特别, 好gimmick下~
第十道菜: kyoho grapes and nashi calpis jelly
sense of sudachi and shiso flower
(评分: 9/10)
呢道甜品用既系时令水果, 所以只系当天才有, 觉得好unique呀!!
有丰水梨&巨丰提子做成的jelly, 仲有紫苏花去衬托,好似件艺术品咁...
外面有yoghurt打成的泡泡, 入口酸甜~所以呢道甜品唔会甜到溜,
清甜提子jelly配微酸yoghurt泡泡和爽口多汁的丰水梨果粒...
因为jelly弹性够高, 所以可以一口品尝到多层次既口感和味道...
所以我好推介呢道甜品, 可惜只系当日有缘份先至可以食到....
最后再奉上一杯正宗的抺茶Matcha, 是靓茶, 而且盛茶的器皿是温暖的~
茶色色泽翠绿, 茶面有浓厚的泡沫, 有特殊香气和口感,但入口又不苦涩~
离开餐厅时, 主厨 很有礼貌地跟我们说再见, 是当晚完美的句号。
张贴
