太子餅店 (已結業)

去年同妈庆祝生日都系系太子饼店o既九龙塘分店买件装海绵蛋糕，今年就贪方便系将军澳店买。我共买左四款海绵蛋糕，共八件，包括芒果冻饼、蓝莓乳酪蛋糕、鲜士多啤梨蛋糕及红豆绿茶卷。蓝莓乳酪蛋糕: 蓝莓系用新鲜o既，蓝莓酱唔算太甜，乳酪同蓝莓混埋一齐整，味道好有蓝莓味，仲有啲蓝莓粒食下，甜度适中，蛋糕底够松软。鲜士多啤梨蛋糕: 士多啤梨好新鲜，唔只系蛋糕面果二片，连夹心忌廉里面o既士多啤梨都系好新鲜，粒粒果肉。粉红色o既忌廉好吸引，且有有浓浓o既士多啤梨味，忌廉甜度适中，并增添滑顺口感。海绵蛋糕松软，甜度刚好。红豆绿茶卷: 成件蛋糕好似冇配料咁，红豆份量得几粒，唔算甜，蛋糕面放左o既糖粉做装饰，好似几靓咁，且唔甜。蛋糕中间夹左忌廉做馅，味道适中，唔会太甜，蛋糕口感扎实左同干左啲，且完全食唔到绿茶味，呢款系咁多款中最差。