妹記生滾粥品

营业中

休息中

呢排饱饱滞滞，食下粥，琴晚食左靠得住，今日晏昼又食下妹记。妹记生滚粥，唔知点解唔系好似生滚粥，生滚粥通常比较杰身，热到烫咀既温度，妹记比较似普通粥舖既粥。虽然系甘，但系都几好味，点左个肉丸粥，肉丸有好多粒，应该有成7、8粒，肉丸好味，粥底正常。再加个鱼皮 (唔系炸鱼皮)，惊一个人食唔哂，问下个SIZE有几大先，成碟拎出黎俾我睇，非常好，好好礼貌，唔似其他多人帮衬O既餐厅甘躁底。碟鱼皮个SIZE 一个人食岩岩好，不过葱同姜似乎多得滞，抢左鱼皮个味，鱼皮个味偏淡，可以落多D调味。总括黎讲，几好，唔驶等位，味道不错，有礼貌，食食下见到有鬼佬一家大细黎食，好少见鬼佬食粥。下次有机会，试埋个及弟粥。