堅信號上海生煎皇 (青衣城2)

营业中

休息中

好耐之前食过佢第一间店，𠮶阵仲劲细间舖，有个上海人喺度包紧生煎包，感觉非常地道，估唔到而家开左咁多间，仲开左间喺青衣城二期，今日再去食，叫左个午餐，有外婆红烧肉，生煎包，上海汤面同豆浆，另外再追加两只蟹粉小笼包。红烧肉一共有三件，都几大件，肥瘦适中，红烧肉同百页如果入味啲会更加好。上海汤面俾我想像中好味，反而生煎包比之前逊色，可能唔系人手即整，质感争啲。小笼包即叫即蒸，所以要等一阵，包面铺上金箔，热辣辣，但蟹粉味唔重，同普通小笼包差不多。