磯野水產

营业中

休息中

见佢午市一人餐九折，咪试下啰，啲海鲜又真系几得㖞，而且个餐好多嘢食、好多款式，未食到最后已经饱到有啲食唔落。坦白讲，食个lunch $300起跳真心肉赤，但食完之后又觉得好合理，话晒又鱼生、又蚝、又虎虾、又鲍鱼、又和牛锅，真系一分钱 一分货。望望个海鲜拼盘，款款都大大件，个鲍鱼仲识郁㗎，所有海鲜，师傅当住你面即场烧畀你食，够晒仪式感之余，蛏子、贵妃蚌等等仲要劲鲜甜，酱汁都唔使落。连啲沙律都hea你，唔系蟹肉就食鱼生，清晒，一啲都无食剩。海鲜蒸蛋相对淡味好多，但就好滑，之后再食盐烧牛小排、烧羊架呢啲重口味，口腔嘅感觉就相当平衡，一淡一浓各有特长。嚟到呢到其实已经饱晒，再上个和牛野菜锅同海胆吞拿鱼腩蓉丼，真系望到都饱。谂系咁谂，但一食落口，就停唔到，又系清晒。和牛唔使讲啦，高质嘢好难食剩，连个丼饭都因为海胆加吞拿鱼腩加持之下，一口一口好快就无晒。Ok，一个lunch可以饱足全日，晚餐都唔使食，啱晒168食法人士。