Chateau @ Central (已結業)

同朋友食饭，如果想食餐好，我必然系推介中环区。环境舒适、食物又有质素，先有系享受人生。今日黎到中环Chateau，除左期待好野食之外，原来仲有表演睇，就系开生蚝嘅世界纪录保持者Mr. Marcel Lesoille 特登黎到表演，听闻一分钟可以开38只生蚝，今次仲加插用硬币或者信用卡开蚝，真系大开眼界。生蚝即场开，无用水冲过，所以海水味都几足。再唧少少柠檬汁，可以带出生蚝嘅鲜味，而且蚝肉仲好肥美，入口顺滑，极之新鲜。接著有忌廉汁煮新西兰青口。青口份量唔少，质感精细而又够咬口，而汁系忌廉为主，再加入白酒，两者味道同青口配合得天依无逢。特色焗法国鹌鹑，鹌鹑虽说比较细只，但都有唔少肉食。肉质非常之细嫩，跟皮一齐食更加系极正嘅口感!而舶煎羊鞍同样系出色之作。羊鞍煎得金黄香口，一上枱已经系香气扑鼻，而放入口嘅时候完全无羊膻味，反之，肉质系非常嫩滑，烹调功夫果然真高!最后甜品时间，我地各自拣左一客红莓挞同埋蛋白挞。前者酸甜味道适中，有著醒胃嘅作用; 而蛋白挞平凡得黎又食得出烤焗甜品嘅心思，挞皮香脆，馅料又丰富!