影片
更多
2018-07-24
1116 浏览
生蚝多选择好新鲜非常抵食，牛扒猪䯃满分💯，有聚会一定系首选地方👍👍之前系朋友屋企食过哩间生蚝同剌身，劲好味，听朋友话佢次次都订哩间，因为成日都有买一打送6只，围起都系$10几$20元只。撞啱老公生日，成家人都钟意食蚝同牛扒，booked咗7pm，早少少6pm几到,去到得2-3个客等外买，无咩人，当日系星期四，有肉类优惠买二様第二様半价，侍应话需要熟嘢要早的解冻，听讲佢地熟嘢好好食，嗱咗二块厚身牛排，1.5吋一块，成块砖头咁厚，一块4支骨羊（咁平$119/份），一旧西班牙猪，一只黄鸡，即刻提我8个人可能食唔晒，我话放心，7pm屋企人全到齐，阿女唔食蚝又好饿想食熟嘢先，但啲肉都未解冻，点搞?7点后开始好多人，佢哋话可先出只鸡，只鸡上咗，见阿女唔出声猛咁食，唔系好食鸡嘅我都好奇试吓，唔柴有水准，切开有好多汁流出来，烧到金黄。跟住紧系戏肉啦，生蚝每人一打，买4打送2打，唔驶争，款式真系好丰富，差不多20个款，同款都有啲有齐2-3个码，点咗我心头好majestic, 每次去蚝吧一定食佢，但好贵，哩度$21/只N2,真系好鬼抵食，唔知会唔会好似有啲人写唔鲜，就先叫2打送一打先，再决定，侍应提我哋最
之前系朋友屋企食过哩间生蚝同剌身，劲好味，听朋友话佢次次都订哩间，因为成日都有买一打送6只，围起都系$10几$20元只。撞啱老公生日，成家人都钟意食蚝同牛扒，booked咗7pm，早少少6pm几到,去到得2-3个客等外买，无咩人，当日系星期四，有肉类优惠买二様第二様半价，侍应话需要熟嘢要早的解冻，听讲佢地熟嘢好好食，嗱咗二块厚身牛排，1.5吋一块，成块砖头咁厚，一块4支骨羊（咁平$119/份），一旧西班牙猪，一只黄鸡，即刻提我8个人可能食唔晒，我话放心，7pm屋企人全到齐，阿女唔食蚝又好饿想食熟嘢先，但啲肉都未解冻，点搞?7点后开始好多人，佢哋话可先出只鸡，只鸡上咗，见阿女唔出声猛咁食，唔系好食鸡嘅我都好奇试吓，唔柴有水准，切开有好多汁流出来，烧到金黄。跟住紧系戏肉啦，生蚝每人一打，买4打送2打，唔驶争，款式真系好丰富，差不多20个款，同款都有啲有齐2-3个码，点咗我心头好majestic, 每次去蚝吧一定食佢，但好贵，哩度$21/只N2,真系好鬼抵食，唔知会唔会好似有啲人写唔鲜，就先叫2打送一打先，再决定，侍应提我哋最好一次过决定食几多，方便帮我哋由淡到浓排次序，结果第二打未食完己过去order定多三打，结果就要等多35mins, 因为爆晒，枱枱都二三打咁叫，排到我哋第二round的蚝，前面最少有三十打蚝要开，失策，咁唯有食吓的刺身，叫咗extra jumbo牡丹虾同好大只粉红虾$55/6只！好鲜甜，仲有活赤贝新鲜扺食不可错过！海胆干身鲜甜！不过到我想追加海胆果阵己售罄，唔到8点就无货，唔怪得我friend订亲都要几日前提佢留货！食完蚝都要再等一阵，见佢哋忙到飞起都唔好意思走去催佢哋。佢哋好客气话唔好意思，肉要再等多阵，问咗食几成，我们齐口话5成，佢望一望啊女，驶唔驶一块熟少少，真细心！咁一五一七啦，羊佢俾意见6-7成，果然牛扒羊架同Facebook 的留言一様，劲好味，就算阿女食果块7成都系好juicy一啲都唔干！平时都煎惯牛扒都食过的靓牛扒屋，但可以连的肥膏都煎得咁香，佢哋嘅手法真系超班，哩个满分而且有惊喜！羊得我一个食，姑仔贪得意试咗旧，佢话连佢唔食羊都觉得好味唔骚! 第一次写食评，真系因为佢哋的食物好好味，质素比起好多高级餐厅有过而无不及，无加一，食几多计几多，好彩无因为看到一些负评争啲唔帮衬，咁样就少咗一个咁好既地方！
28 浏览
0 赞好
0 留言
张贴
