影片
更多
2023-09-12
33 浏览
今日同妈妈去大角咀行吓，原来有个新商场叫「利奥坊」，里面有几间新开嘅餐厅，妈妈话好耐无食西餐，所以拣咗间叫Macroonies 嘅意大利餐厅食。佢个餐牌主要分头盘，沙律，汤，薄饼，意粉及饭，主菜同我个人认为一餐之中最重要甜品!本来想试佢嘅意式牛肉刺身，点知佢话因黑雨,嚟唔切货，推介我哋食慢煮手撕牛肉沙律 $108，真系无介绍错！沙律菜切得好啱入口嘅Size, 加上青瓜片,番茄仔，葱粒，辣椒沙律酱等等，配料都好新鲜，菜系爽脆的！重点系面头嘅牛肉，牛肉系以黑啤淹过再慢煮，牛肉系手撕的，肉质好嫩，黑啤牛肉汁和近似墨西哥汁的辣椒沙律酱成为左成个沙律嘅灵魂！可以话系必点之选！我系Spaghetti Aglio e Olio 嘅Fans，几样好简单嘅材料去煮成一道超美味嘅菜式，不花巧，不雕琢，绝对好考厨师嘅功力，依间一定有80分以上，尤其是意粉系好有咬口同弹牙。另外我地点左烤羊架配玛莎拉酱，每件羊架都烤得好好，外面有少许焦脆感，唔会太㶶，里面就烧到好靓，近7成熟，带少少血同淋身，十分出色！最后点左Tiramisu 做甜品，重重的Mascarpone Cheese密度打得适中,而且lady fing
今日同妈妈去大角咀行吓，原来有个新商场叫「利奥坊」，里面有几间新开嘅餐厅，妈妈话好耐无食西餐，所以拣咗间叫Macroonies 嘅意大利餐厅食。
佢个餐牌主要分头盘，沙律，汤，薄饼，意粉及饭，主菜同我个人认为一餐之中最重要甜品!
本来想试佢嘅意式牛肉刺身，点知佢话因黑雨,嚟唔切货，推介我哋食慢煮手撕牛肉沙律 $108，真系无介绍错！沙律菜切得好啱入口嘅Size, 加上青瓜片,番茄仔，葱粒，辣椒沙律酱等等，配料都好新鲜，菜系爽脆的！重点系面头嘅牛肉，牛肉系以黑啤淹过再慢煮，牛肉系手撕的，肉质好嫩，黑啤牛肉汁和近似墨西哥汁的辣椒沙律酱成为左成个沙律嘅灵魂！可以话系必点之选！
我系Spaghetti Aglio e Olio 嘅Fans，几样好简单嘅材料去煮成一道超美味嘅菜式，不花巧，不雕琢，绝对好考厨师嘅功力，依间一定有80分以上，尤其是意粉系好有咬口同弹牙。另外我地点左烤羊架配玛莎拉酱，每件羊架都烤得好好，外面有少许焦脆感，唔会太㶶，里面就烧到好靓，近7成熟，带少少血同淋身，十分出色！
最后点左Tiramisu 做甜品，重重的Mascarpone Cheese密度打得适中,而且lady finger 沾满了浓浓嘅咖啡酒，令Tiramisu 成个灵魂都出晒嚟!
Macroonies 系一间好有心，招呼一流嘅食店，值得推介俾大家！
张贴
