麺処一家 (已結業)

去开厚福街揾食，经过呢间面处一家，见到有好一条人龙向门口排队，唔算系太肚饿，所以就又跟住排队试试。可能已经接近晚上9点，大约等左10分钟左右就可以入座。向门口排队时，见到店外贴左一d访问，介绍店长如何努力坚持做正宗日式拉面。所以我满怀希望可以坐去吧枱望下店长如何用心制作。可惜我被安排到最旁边既细枱，无缘睇到靓仔店长煮面😭面处一家只提供一款汤底配3款拉面；分别系妹妹推介即慢煮猪肩肉；弟弟推介即火灸猪腩肉同店长推介，即2样都有。我一向有选择困难，所以我决定要店长推介，一次食晒2样唔驶烦。猪肩肉质地好软滑，猪腩肉亦够弹牙。汤底有浓厚既猪骨鱼介味道，一如其他日式拉面店，呢款汤底会比较浓厚同偏咸，配上软硬适中既拉面，我本人觉得好好味😋