重房

营业中

休息中

早排去完日本，好似仲未食得够寿司咁样，今日老婆又话要食阿妈家姐(好彩月中仲有啲钱)，餐厅位于铜锣湾地段，但系价钱亦都唔算特别贵！Menu如下:白酒番茄啫喱海鲜茶碗蒸鲭鱼拖罗矶烧鲍鱼银鳕鱼西京烧六贯寿司🍣昆布乌冬甜品前菜嘅茶碗蒸蒸得好滑，中间完全冇留有空气咁形成气泡，好食！刺身方面：鲭鱼黎自九洲，师傅话因为佢游水比较快，所以鱼味无一般嘅咁重咁腥。拖罗颜色粉红，脂肪比例较高，鱼香持而恰到好处，鱼油脂非常甘香！六贯寿司包括：赤贝、甜虾、真鲷、深海池鱼、秋冬鱼、北海道海胆！甜虾配上虾头膏令人印象深刻。赤贝比一般食到嘅厚身。真鲷夹上牙葱都几清新。秋刀鱼亦都告别咗一般嘅腥味，配上姜蓉真系最佳。最后由海胆结尾真系大满足，橘橙色嘅海胆肉入口即溶。热食有西京烧同昆布乌冬，西京烧带上甜丝丝嘅口感，油分充沛。用上秋田县嘅乌冬，幼身得来又带点弹牙，汤底全部都系昆布嘅清甜！