Beer & Fish (已結業)

一向都好食炸嘢，偶然去开SOHO，发现开咗一间名叫 “Beer & Fish” 嘅新店，决定试吓。店舖虽然细细，但装修型格。我order咗一客Fish & Chips、炸蚝、炸鱼皮、一杯生啤。炸鱼块脆皮好香脆！系我食过数一数二好味嘅！鱼肉一D都唔腥，绝对唔系坊间D廉价龙利柳，一问之下原来系用原条鲜鱼起肉！就连薯条都系自家制！真系好难得！炸蚝块脆皮比较深黑，初头以为炸㶶咗，但原来别有来头。店主采用咗高成本的黑啤作为炸浆，从而令到块炸鱼脆而不油，佩服！最后不得不提就系自家酿制嘅生啤，味道不比某些著名品牌逊色！总括而言，各款食物都具有一定水准，下次一定会再光顾。