越南好味館 (已結業)

呢排天气真系太热，午饭想食得清啲，又唔想行太远。所以越南好味馆都系耐唔耐会来的。虽然太子都系一个旺区，但呢间餐厅座落喺一个唔系太多人行过的地点，有点点隐世。我嗌左一个「鱼饼捞蒙」。够哂大碗，里面除了蒙粉外，仲有好多青瓜丝﹑红萝卜丝﹑葱油﹑莞茜﹑炸蒜，加上捞蒙的酸汁，里面有好多蒜同辣椒，真系好够清新！蒙粉够哂淋滑！鱼饼仲系岩岩炸起，热辣辣。鱼饼唔系求其炸鱼蛋就算，系真系鲮鱼肉，入面仲有好多香草（但系我食唔出系乜野香草。），好香口同埋有鱼味～朋友嗌左「香茅猪扖汤河粉」。店内有写住话个汤底系用60斤牛骨煲出来.，睇落去好清，唔油，闻落都好香！汤河仲配上好多莞茜﹑生洋葱同葱。食完个口应该会有阵味呵呵。我食左一块猪扖，炸得好通透，肉质好淋，淹得够哂味！唔错！无影相的冻柠茶，系青柠来的！够特别呀。比起普通柠檬，系无咁酸同无左一阵苦涩味。越南食物都算清新得来，又唔系淡而无味。所以我都几钟意食。唯一对呢间店有一点点不喜欢的就是，每次一离开，就会闻到成身都系油烟味，久久不散。坐在入面就唔觉，走左先发现。呢样野令到食客都几尴尬。