影片
更多
2020-11-26
1778 浏览
又喺老婆返学嘅日子，不过，呢一季就返完，佢可以抖抖，而小弟一支公晚饭亦暂时告一段落，所以，今晚唔好待薄自己，食番餐好嘅先，仲叹杯靓咖啡。所以，过咗嚟海港城嘅「Espresso Alchemy」，一来食过佢啲出品，稳打稳扎，二来几欣赏佢哋啲鲜奶咖啡，三来就喺食完方便我落柯士甸搭西铁返屋企，仲可以晌上面拍埋卡搭港铁悭两蚊。 餐厅嘅环境可以讲跟商场空间连成一体，下单嘅柜位喺较「入铺」嘅一边，简洁明亮。如大多数嘅咖啡店，都会兼营售卖不少咖啡嘅相关产品，故柜枱旁就摆放咗唔少滤杯、滤纸、咖啡豆……等等物品作零售。 而呢一边侧旁就安放咗一大张共享餐枱，当然，依家晌限聚下，就唔能够一大棚人坐埋一齐，但疫情过去后，就方便三、五知已叹吓咖啡聚一聚，又或几个同学嚟倾吓功课。 至于另一个用餐区，就座落于铺面对出嘅商场空间，地方都几大，拱门形嘅窗框，加上波波灯，装修上带点欧陆风，予人感觉几闲适。 因为都唔喺第一次光顾「Espresso Alchemy」，所以，饮品及食物都大概知道有啲乜。佢哋嘅主力就梗喺卖咖啡啦，种类十分之多，此外，仲有多款特色饮品、手工啤、朱古力、茶品……等等。 食物方面，选择上亦不少，印象中
餐厅嘅环境可以讲跟商场空间连成一体，下单嘅柜位喺较「入铺」嘅一边，简洁明亮。如大多数嘅咖啡店，都会兼营售卖不少咖啡嘅相关产品，故柜枱旁就摆放咗唔少滤杯、滤纸、咖啡豆……等等物品作零售。
而呢一边侧旁就安放咗一大张共享餐枱，当然，依家晌限聚下，就唔能够一大棚人坐埋一齐，但疫情过去后，就方便三、五知已叹吓咖啡聚一聚，又或几个同学嚟倾吓功课。
至于另一个用餐区，就座落于铺面对出嘅商场空间，地方都几大，拱门形嘅窗框，加上波波灯，装修上带点欧陆风，予人感觉几闲适。
因为都唔喺第一次光顾「Espresso Alchemy」，所以，饮品及食物都大概知道有啲乜。佢哋嘅主力就梗喺卖咖啡啦，种类十分之多，此外，仲有多款特色饮品、手工啤、朱古力、茶品……等等。
食物方面，选择上亦不少，印象中，对比以前好似多咗，包括有沙律、三文治、多士、全日早餐、汉堡、意大利三文治、意大利面、意大利饭及甜点。
选购食物采半自助形式，晌收银处落单后，收到号码牌，就由店员将食物送上，亦不收加一服务费。
基本上，店员都会为你送上餐具，不过，额外嘅餐具、清水、纸巾、调味料……等等，可以晌自由柜枱随意取用，当然，唔好滥用，唔好浪费啦。 
鲜奶咖啡 $38佢哋嘅鲜奶咖啡口味唔卖花巧，就只有基本嘅鲜奶咖啡，无话焦糖呀、玫瑰呀唔同口味，咁我亦唔使多心谂拣边款。然而，制作甚有水准，虽然拉花只喺拉个心形，但睇得见花纹好细致，而且，对称精准，表面亦见平滑，无话起泡泡。小呷一啖，完全晌无搅过情况下，已饮得出𠮶份均匀感，喺撞奶泡手势够好，而咖啡醇厚带微微果仁香，有外表，有内涵。
鲜奶咖啡
$38
18 浏览
0 赞好
0 留言
以前都曾经食过佢哋嘅意大利面，对佢哋嘅出品颇有信心，所以，今次就试其意大利饭，其实，意大利饭好易食得出一家店做菜水准去到边，因为易学难精。
虎虾车厘茄意大利饭
$128
7 浏览
0 赞好
0 留言
环境及食物都无咩挑剔位，店员都好有礼，对今餐晚饭都好称心满意，当然，如果晚市有啲主食配咖啡嘅组合优惠，悭番十蚊八蚊都好吖，哈哈！
张贴
