翠林辣蟹舫

份量十足，心机之作，卖相有心思，值得支持嘅中菜馆，带埋屋企人嚟食，绝对唔会失礼😛✨食神炒饭炒饭整成鱼嘅造型，加上粒粒蟹籽，好吸晴。炒饭粒粒分明，调味恰好，令人想一口接一口嘅炒饭。✨黄金流沙虾球 🤤虾球好巨型🦐 外层金黄色脆卜卜，内里系弹牙虾肉，配搭咸蛋黄流沙，香气十足，而且无油腻之感。隔离有个沙律酱，加埋一齐食有少少似海鲜沙律卷，好味道！✨浓汤大花胶鲜鸡汤四人份量，巨型砂锅煲盛载住大花胶同半只鸡。鲜鸡汤颜色相当靓仔，饮落去有鸡油香，但又唔会过咸。店员会帮手分汤同切好鸡件，并附上姜蓉，呢啲小细节都好加分！✨猪油渣炒福菜花蔬菜炒得有镬气，配料系粒粒猪油渣，食落几香口爽脆。见到枱枱都有嗌避风塘炒蟹，不过食物份量实在太足料，我哋战斗力不足，唯有下次再嚟😛