拉麵達人 (已結業)

只身由伊利沙伯医院步行大约十分钟，到达佐敦地铁站附近的拉面达人。之前同朋友食过一次，今次一个人再访，唔洗排队。店面虽然唔大，但系睇得出好用心布置。店舖入面放面小摆设，包括小型汽水罐同不倒翁，仲有其他日式玩具。餐厅提供多款拉面，同时又有好多种小食可以拣，最贴心既系拉面既浓淡、软硬等，都可以按顾客需要调教，不过就要落单果时讲清楚。小弟本身钟意食浓汤拉面，同时都系虾汤控，之前食过樱花虾达人，今次就紧系试下赤海老达人。离远都闻到好香既汤，虾味扑鼻而至。赤海老达人用上特式辣酱，第一啖先饮汤，饮落有少少似上海担担面，不过越食越上瘾，少少辣配上虾既香令人特别开胃。虾好爽口，总共有三只；面质弹牙，不过份量for男仔有啲唔够；蛋同紫菜都合格但无乜惊喜。总结都有7/10分。之后有各种调味料任君选择～蒜头，七味粉，辣酸菜，应有尽有。叫小食送特饮，可惜今日无我最爱既巨峰柚子soda鸡软骨饺子，饺子皮剪得岩岩好，味道都唔错，不过馅料有啲少，如果五只变四只不过馅多啲就perfect虽然今次都几好食，不过都系比唔上樱花虾达人，再黎既话一定系食樱花虾达人！待应态度好好，坐得都好舒服。