影片
更多
2022-06-09
36 浏览
疫情终于有所缓和，放假前夕晚上约咗朋友食好西，我哋有成半年无见喇！佢推介佐敦附近有间唔错嘅铁板烧店叫「乐Teppanyaki」，佢之前Lunch食过几掂，所以带我嚟试吓😝。我哋经网上订枱，晚市套餐可享八折优惠🈹。小店有啲隐世嘅感觉，因为门面毫不起眼，而店内面积亦唔大，座位唔多，一眼睇晒。坐喺吧枱嘅我哋可以全程睇住师傅整嘢食👨🏻🍳。餐厅设有多款套餐🍽，一人前价位由$688至$1,388不等。我开初觉得呢度定价都几进取，不过当食完之后就明白了，佢用料上乘，食材成本一定唔平！由于想食海胆，所以我哋拣咗「十八层海胆杯」套餐。时令前菜系海老豆腐，小食味道几清新🌿，唔系一嘢酸醒你。🦐虾肉爽口弹牙，再配埋豆腐、芹菜同海带等一齐食，成个组合几夹。时令沙律未算太特别🥗，蔬菜淋上适量酱汁，带微微甜味同蜜糖柚子味，食落几开胃。简单食完前菜之后，就到主角「十八层海胆杯」出场。佢以鸡尾酒杯装住🍹，色彩缤纷，造型满分。我无认真数佢有几多层，不过每食一啖都有惊喜，因为你会不断食到唔同嘅食材。佢哋夹埋食毫无违和感，好正😋。如果鸡蛋里挑骨头的话，就系佢用杯装上，多到泻晒啰，哈哈。餐牌上有详细介绍呢十八层由何组成🌟，等
疫情终于有所缓和，放假前夕晚上约咗朋友食好西，我哋有成半年无见喇！佢推介佐敦附近有间唔错嘅铁板烧店叫「乐Teppanyaki」，佢之前Lunch食过几掂，所以带我嚟试吓😝。
我哋经网上订枱，晚市套餐可享八折优惠🈹。小店有啲隐世嘅感觉，因为门面毫不起眼，而店内面积亦唔大，座位唔多，一眼睇晒。坐喺吧枱嘅我哋可以全程睇住师傅整嘢食👨🏻🍳。
餐厅设有多款套餐🍽，一人前价位由$688至$1,388不等。我开初觉得呢度定价都几进取，不过当食完之后就明白了，佢用料上乘，食材成本一定唔平！由于想食海胆，所以我哋拣咗「十八层海胆杯」套餐。
时令前菜系海老豆腐，小食味道几清新🌿，唔系一嘢酸醒你。🦐虾肉爽口弹牙，再配埋豆腐、芹菜同海带等一齐食，成个组合几夹。
时令沙律未算太特别🥗，蔬菜淋上适量酱汁，带微微甜味同蜜糖柚子味，食落几开胃。
十八层海胆杯
2 浏览
0 赞好
0 留言
餐牌上有详细介绍呢十八层由何组成🌟，等我引用一下啦，由顶层开始分别有烧白饭鱼脆片、黑鱼子、冲绳海葡萄、帆立贝、明太子沙律、牡丹虾、海胆鱿鱼、冻矶煮鲍鱼、北欧花胶、蓝䲠吞拿鱼拖罗蓉、北海道粒贝、三文鱼子、北海道松叶蟹肉同鲜海带碎；其中海胆就出现咗三层🍣！虽然食材切成粒状，但仍能保持应有嘅口感，其中几样特别出色，包括爽口鲍鱼、脆卜卜明太子同软绵花胶，而各式鱼子就爆晒浆。
食完海鲜之后都系海鲜，首先系脆皮煎鳗鱼🐟。老实讲市面上嘅鳗鱼饭同鳗鱼寿司我都好唔钟意食，因为酱汁太浓味，而且鱼肉又有细骨🙈，不过呢块鳗鱼睇个样都知唔同！鱼皮相对厚身，但师傅仍能煎出薄脆口感；鱼肉细嫩、唔似平日食开嘅肉质。呢道菜式可算系令我重新认识鳗鱼。
樱花虾煎北寄贝
2 浏览
0 赞好
0 留言
火焰海胆甲罗烧
$298
4 浏览
0 赞好
0 留言
同场加映，甲罗烧出场个刻，店员就提我哋要准备相机打卡，好好迎接火焰🔥，成件事仪式感十足。不过烧𠮶吓应该同烹调无直接关系吧。
海胆酱芝士焗龙虾
12 浏览
0 赞好
0 留言
活龙虾🦞，餐厅无呃人，龙虾真系好生猛咁喺厨房拎出嚟，放上铁板烧时佢仲作出最后嘅挣扎。我无留意师傅介绍系乜品种嘅龙虾，但绝对唔系波士顿𠮶啲平价货，而且仲好重秤添，我谂有我前臂咁大只。龙虾有两食，左边系用虾头膏炒成，所以虾香特别浓；而右边就系用海胆酱牛油芝士焗制，食落咸香味较突出。师傅问我哋钟意食边款多啲，其实真系好难答，因为两者各有千秋，但我系芝士控🧀，所以有加持。不过共同点系龙虾肉肉质够晒结实爽口。
法式煎鹅肝配时令水果
$368
6 浏览
0 赞好
0 留言
法式煎鹅肝配时令水果($368)，我俯视咗件鹅肝好耐，因为佢喺较早阶段已经拎咗出嚟解冻。鹅肝同样激大件，未煎之前可能有成吋厚😳，劲夸张，煎完后亦难得无乜缩水。鹅肝已经唔系单单用入口即溶可以形容到，咬过脆皮外层之后，入到口直头系「成口油」嘅感觉，😈邪恶到不得了。为咗化解鹅肝嘅腻，师傅精心搭配咗三款经酿制嘅水果，分别系蓝莓、苹果/梨同提子，口感各异，但一样甜甜的。我哋毫无头绪右手边𠮶件系乜，个样似热香饼面包，口感似海绵，答案竟然系淮山(唔系滑潺潺㗎咩?)，够晒特别！
岩手县A5威士忌和牛厚烧
32 浏览
0 赞好
0 留言
岩手县A5威士忌和牛厚烧，食到呢个阶段，其实净系食咗海鲜，都已经饱咗七成，傻的吗？不过有和牛食又即刻开胃返。和牛雪花纹理劲靓，油脂分布均匀，符合A5级别嘅水准。师傅介绍啲牛系饮威士忌大🥃，笑死，做牛都咁识叹，难怪卖得咁贵啦。和牛唔需要特别嘅调味已经好好食，佢唔似其他餐厅咁配葱同炸蒜，反而系轻轻淋上海胆豉油，佢并无抢过牛肉味。不过要讲返就系和牛系薄烧，而非厚烧🥩。
烧野菜
12 浏览
0 赞好
0 留言
黑松露椰菜炒饭
23 浏览
0 赞好
0 留言
创作时令主食系黑松露椰菜炒饭，🍚师傅好贴心，会问清楚客人食唔食葱。炒饭炒得够干身，当中混入咗椰菜粒，口感丰富之余，食落亦无咁饱滞。黑松露香气扑鼻，每啖都好浓郁。饭加鸡蛋一齐炒并唔出奇，但佢系配上一只煎兰王蛋🍳。餐厅就连蛋都用上日本靓货，绝唔马虎。
特色纸包花胶蚬汤
43 浏览
0 赞好
0 留言
特色纸包花胶蚬汤，汤品用上胶袋装真系第一次见，可能咁样装令佢可以放上铁板煮热。作为最后一味嘅蚬汤直达惊艳程度🤤，汤入面有大蚬、花胶、花菇同海带等，味道清澈得嚟好够味，原来系用返头先个龙虾头熬煮，师傅话连一滴盐都无落过添，难以置信。
题外话，餐厅所提供嘅热茶亦系非一般🍵，味道偏甘苦，皆因系花旗参茶。我自己就唔系好饮得惯，但呢个可能系特别安排吧。
小店经营一啲都唔容易，呢日眼见只有师傅同另一个哥仔负责店舖大小一切👍。佢哋过程中无停过手，更多次往来厨房，整足三个钟，睇见都攰啊。虽然咁忙碌，但乐师傅仍然非常好客，乐于同食客交流，佢原本系一个被厨师耽误嘅歌手嚟，哈哈。
总括嚟讲，好味铁板烧我并唔系第一次食，但讲到最印象深刻非今次莫属💯。除咗味道同食材质素令人满意之外，我更加欣赏师傅嘅专业态度，从每道菜式嘅精心搭配，可让食客感受到佢嘅用心，唔系交大路行货。如果想要一个难忘嘅体验，我高度推介「乐Teppanyaki」！
张贴
