六六六六火鍋

营业中

休息中

六六六六火鍋環境精緻。店員服務幾好，餐牌款式幾多元化！前菜梅子蕃茄仔，味道酸甜酸甜好清新，相當開胃。湯底要了養生人參白湯鍋配沙嗲鴛鴦湯底！人參湯大大枝人參做料！湯底夠甘香， 沙嗲湯底味道香濃帶點微辣！都幾惹味。本地手切牛肉，色澤紅潤又夠亮麗，睇見都知夠新鮮，入口牛香夠濃，肉汁夠多，配上葱，蒜一齊食，口感層次更難忘。黑豚肉擺盤都好靚，紋理分明，略帶油脂感！吃起來軟彈中帶點脆脆的口感。都相當鮮味。海鮮點了幾款，海中蝦夠鮮味肉質q彈，鮑魚彈性十足同樣彈牙鮮味，蟶子皇夠爽又夠脆！又係夠哂新鮮，必點之選。餃子拼盤造型十足，模仿放在樹上既雀巢，動感可愛！ 雲吞，水餃，韭菜餃都皮夠薄，餡料非常多，食出爽脆口感，蝦肉大隻，口感一流。