和宴

营业中

休息中

朋友钟意喺啲环境非常优雅又舒服嘅地方用餐，同事推介呢度，就带佢嚟食午餐试下。我地拣左呢个套餐，两个人share。饮品几清新--南高梅青柠梳打同海洋荔枝梳打，味道好特别，非常清爽，唔会太甜。前菜几好味，有韩式煎饼，入面放满海鲜，鲜甜之余仲煎好脆口，加埋沙律，配合面包同和牛，就非常好食！好期待接住嘅主菜烧肉。主菜上咗好多肉同海鲜，我哋一边烤一边饮嘢，氛围真系好好relax。烧肉--有好多种类，和牛居多。我喜欢上牛排肉同特上肩肉眼，食到原汁原味嘅和牛香气，散发牛油香，非常香浓，口感亦都非常好，另外仲有加咗料嘅牛板腱同牛舌，一个系寿喜烧风味，一个系盐葱汁味嘅，有独特嘅风味。好钟意食五花豚肉同海鲜海老加帆立贝，五花肉嘅肥瘦非常均匀，油汁充分被瘦肉吸收。海老好鲜甜，帆立贝亦都非常新鲜，食得出鲜香无比。食饱之后就享用甜品，黑糖珍珠雪糕好吸引，有台式奶茶嘅风味，解腻又冰爽。我哋都非常钟意呢度嘅食物同气围，约咗下次再嚟。