紅米 (已結業)

自细已经好少机会同老豆同枱食饭。难得请左半日假，同老豆食个午饭先去番工。两个男人对食无咩要求，但求有个地方可以坐下，简单一餐饭。见哩间餐厅价格相宜，二话不说就入座。老豆就识食啦！叫左个好似定食既餐。哈，当我想”相机食先”时，佢已经开始启动。卖相唔错，个鸡翼好似几正咁！但成个餐就好似干左少少咁....我比较钟意有汁既野食，所以叫左个肉酱意粉。卖相就真系差左D，但食落都唔错既。肉酱就坚系肉酱，个汁唔会稀到似水..加埋有D芝士粉系面头，正！老实说，好又一餐，唔好又一餐。最紧要同身边重要既人可以食餐饭已经好满足。至于餐饭？正正常常已经好足够。知足常乐...