FLIPPER'S (已結業)

女仔总系钟意甜品当正餐，但作为男仔硬系觉得正餐要食咸食。今次又要陪人食班戟，本来谂住陪佢食完之后自己去食个云吞面，点知有惊喜。FLIPPER'S系班戟专门店，即叫即整，所以都要等一阵。就系呢个餐牌，当D女仔望住上面个栗子班戟既时候，我见到竟然有烟肉煎蛋班戟，绝对系我救星。充满牛油味的既热香饼上面有只太阳蛋，仲有块唔太油腻既烟肉。刺穿蛋汁再加埋蜜糖，味道层次几丰富。食食下觉得腻可以食下旁边既紫椰菜同新鲜沙律菜，酸酸甜甜，好开胃。饮品有三种口味，我一定系叫芒果珍珠奶，烟韧既珍珠加埋浓浓既芒果味，好似饮紧奶昔咁。今晚终于唔使食个云吞面先返屋企啦。